Jump to content

Keltia Rok

Dhyworth Wikipedya, an godhoniador rydh

Plasen gevernyans yw Keltia Rok, war label Kembrek Recordiau Sain.[1] An blasen gynsa, ha’n blasen unnik (bys dhe 2020), gans kanow pop ha rock y’n yethow Keltek oll yw.[2] Warnedhi yma’n kanow rock kynsa yn Kernewek ha Manowek. Dyllys veu an blasen dres an Esedhvos Kenedhlek Kembra yn Porthmadog yn Mis Est 1987. Lesrynnys veu avel plasen vinyl (Sain 1412M) hag avel songist (Sain C612N) gans Revolver / The Cartel a Bristow.[3]

Kilva ha rekordya

[golegi | pennfenten]
Davyth Fear, trevnydh an blasen

Ordenys o an blasen gans Davyth Fear, skrifennyas an Kesunyans Keltek y’n termyn na.[4][5] Argemynnow rag kowethyansow yethow keltek o war gil an gorher. Imach a vagas rap Kembrek Llwybr Llaethog o war’n greuv.[6]

Daswelyow

[golegi | pennfenten]

Daswelys o an blasen gans lyvrow termyn. Yn ‘Y Faner’, y prederis Dulais Rhys y vos dewis didheurek gans gorher kooth. Yn NME, y leveris Adrian Tierney-Jones bos plasen arnowydh gans nebes kanow “warming the cockles of the Celtic heart” (styr an lavar na yw ‘ow tri lowena dhe’n golon geltek’). Styr gwir an blasen yw, yn-medh ev, bos an yethow na byw.’

Rol an kanow

[golegi | pennfenten]
# Artydh Kan Trelyans Kernewek Kenedhel Skrifer
1 Eirin Peryglus Glawogydd Glaw  Kembra geryow hag ilow – Eirin Peryglus
2 Brian Webb Tan y’n Golon -  Kernow geryow hag ilow –Webb
3 Rinne Mamaí Ciste Milis Brionglóidí Hunrosow  Iwerdhon geryow –Bradley, ilow – Muinzer & Clenaghan
4 Mona Jaouen Pell war an Hent Pell war an hyns  Breten Vyghan ilow – le Vallegant, aray – Beauvir & le Vallegant
5 Na Fíréin Deireadh na Seachtaine An pennseythen  Iwerdhon geryow– Mac Séalaigh, ilow – Smith & Mac Séalaigh
6 Ragamuffin Gowlwryans -  Kernow geryow – Humphreys & Lyon, ilow - Ragamuffin
7 Dazont Lazhadeg ar Yezh Gorladhva an yeth  Breten Vyghan geryow hag ilow - Dazont
8 Ny Slommaghyn O Vanninee O bobel Manow  Enys Manow geryow hag ilow – Carswell, aray – Ny Slommaghyn
9 E.V. Ar Gwener (e Gwer) Dy'Gwener (yn wyrdh)  Breten Vyghan geryow hag ilow – J & H Perche
10 An Gof Ma Kan y’nn Mein -  Kernow geryow – Hicks & Tim Saunders, ilow - Hicks
11 Pentothal Plac’h ar Gwele Kloz Mowes an gweli alwedhys  Breten Vyghan geryow hag ilow - Tangi
12 Blasket Sound Raithneach, a Bhean Bheag Reden, mowes vyghan  Iwerdhon hengovek
13 Gael Force Suas leis a’Ghaidhlig Albanek bys vyken  Alban geryow hag ilow - Martin
14 Yr Anhrefn Cornel Kornel  Kembra geryow hag ilow – Sebon, Rhys Mwyn, Hefin Huws & Gwyn

Kevrennow gans bagasow erel / notennow

[golegi | pennfenten]
  1. Askorrys veu Glawogydd gans Gorwel Owen, gour Fiona Owen, an benn-ganores. Ev re askorras plasennow rag an Super Furry Animals ha Gorky's Zygotic Mynci.[7]
  2. Den posek yn movyans yeth Kernewek o Brian Webb. Ev a verwis yn 1986. [8]
  3. Skrifys o an gan ma gans Colin Muinzer ha James Clenaghan, eseli bagas rock Iwerdhonek Cruella de Ville kyns es hemma.[9]
  4. Esel gwreydhek bagas posek Bretenek Storlok o Mona Jaouen.[10]
  5. Kan an moyha a-vri gans Na Fíréin yw versyon Iwerdhonek a’n gan ditel Kembrek a’n opera-rock Nia Ben Aur.[11]
  6. Kan ‘An Wrannen’ gans Ragamuffin a waynyas an Gool Pan-Geltek yn 1984.[12]
  7. Eseli Dazont o rann a’n keskar Bretonek yn Paris.[13]
  8. An bagas kynsa dhe gana rokk yn Manowek o Ny Slommaghyn.[14][15]
  9. Dew esel bagas E.V., an dhew vroder Jari ha Harri Perche, o dhyworth Pow Fynn. An bagas a wre kana yn Bretonek, Frynkek ha Fynnek.[16]
  10. Esel a Lavolta Latoka (bagas post-punk Bretennek) o Davyth Hicks. Wosa henna ev a omjunyas Revenge gans Peter Hook, gitarydh faborden New Order.[17]
  11. Esel gwreydhek bagas posek Bretenek Storlok o Bernez Tangi ynwedh.[10]
  12. Fyller Blasket Sound, Maire Breatnach, a wre skrifa ha performya versyon Keltek an musik a Final Fantasy IV.[18]
  13. Noel Eadie, gitarydh faborden an bagas, o esel bagas pop Albanek kynsa, Na h’Oganaich, hag a waynyas an PanKeltek yn 1972.[19] [20]
  14. Kaner Yr Anhrefn, Rhys Mwyn, o dyghtyer an bagas Catatonia ynter 1992 ha 1994. Da o gans an DJ John Peel an bagas.[21]

Dustuniow

[golegi | pennfenten]
  1. ↑ Discogs - Keltia Rok
  2. ↑ [1]
  3. ↑ [2]
  4. ↑ [3]
  5. ↑ [4]
  6. ↑ [5]
  7. ↑ [6]
  8. ↑ [7]
  9. ↑ [8]
  10. ↑ 10.0 10.1 [9]
  11. ↑ [10]
  12. ↑ [11]
  13. ↑ [12]
  14. ↑ [13]
  15. ↑ [14]
  16. ↑ [15]
  17. ↑ [16]
  18. ↑ [17]
  19. ↑ [18]
  20. ↑ [19]
  21. ↑ [20]

Yma'n erthygel ma owth usya an Furv Skrifys Savonek a-barth Kernowek kres.

Dhyworth "https://kw.wikipedia.org/w/index.php?title=Keltia_Rok&oldid=219220"