Indiom

Ensampel a	Elven gymyk, chalcophile element
Klass	alkan wosa-tremenyans, period 5
Furvell gymyk	In
Dydhyas diskudhans	1863
Niver atomek	49
Elektronegedhegedh	1.78
Rann a	period 5, elven bagas 13
Restrennow kelmys war Gemmyn Wikimedia

Elven gymyk yw indiom, niver 49 y'n Vosen Beriodek. Y furvell gymyk yw In. An hanow a dheu dhyworth an ger Latin indicum, ow styrya purpur po glas Eynda, hag a gampoll an lin moyha golow yn y spektrum.

Nyns eus rann dhe indiom y'n korf denel. Mars y tybris yw moy ages nebes mg, gwenonek yw, gans effeythya an avi, kalon ha'n lonethi.

Diskudhys veu indiom yn 1863 gans Ferdinand Reich (1799-1882) ha Hieronymus Richter (1824-1898) yn Skol Balyow Freiberg yn Almayn. I a wrug hwithrans war an moon zincblende. Pan welsons linen splann purpur y'n spektrum, i a aswonas bos elven nowydh ena.

Askorrys yw indiom avel isaskor teudhi zynk, a-dro dhe 700 tonnas an vledhen, an moyha rann dhyworth Kanada. Nyns yw lies devnydh dhe indiom marnas kesalkenyow gans poynt teudhi isel usys yn kevreythow skyllyoryon dowr awtomatek dhe lettya tan, nebes kesstoffow hanter-kendegi usys yn daffar elektronek, hag avel gwedrow mires. Yn 2009 diskudhys liw nowydh a gomprehend indiom, h.y. glas YInMn yn Pennskol Oregon.

Poos atomek indiom yw 114.81, y boynt teudhi yw 156°C ha'y boynt bryjyon yw 2080°C. Y dhosedh yw 7.3kg an liter. Alkan medhel arghansek yw. Pan yw plegys darn a alkan indiom, ev a wighal.

Mirva

• 
  Ferdinand Reich
• 
  Hieronymus Richter
• 
  Askorrans ollvysel indiom
• 
  Golow LED indiom
• 
  Devnydh a indiom yn skrin LCD
• 
  Glas YInMn
• Gwydhyow war skevens indiom, kleves kawsyes gans indiom