Indiom

Dhyworth Wikipedya, an godhoniador rydh
Jump to navigation Jump to search
Indium wetting glass.jpg
In-TableImage.svg
Ensampel a'n re ma a sew Elven gymyk Edit this on Wikidata
Klass post-transition metal, period 5 Edit this on Wikidata
Furvell gymyk In edit this on wikidata
Dydhyas diskudhans 1863 Edit this on Wikidata
Niver atomek 49 Edit this on Wikidata
Elektronegedhegedh 1.78 Edit this on Wikidata
Darn a period 5, group 13 Edit this on Wikidata
Commons page Ffeiliau perthnasol ar Gomin Wicimedia

Elven gymyk yw indiom, niver 49 y'n Vosen Beriodek. Y furvell gymyk yw In. An hanow a dheu dhyworth an ger Latinek indicum, ow styrya purpur po glas Eynda, hag a gampoll an lin moyha golow yn y spektrum.

Nyns eus rann dhe indiom y'n korf denel. Mars y tybris yw moy ages nebes mg, gwenonek yw, gans effeythya an avi, kalon ha'n lonethi.

Diskudhys veu indiom yn 1863 gans Ferdinand Reich (1799-1882) ha Hieronymus Richter (1824-1898) yn Skol Balyow Freiberg yn Almayn. I a wrug hwithrans war an moon zincblende. Pan welsons linen splann purpur y'n spektrum, i a aswonas bos elven nowydh ena.

Askorrys yw indiom avel isaskor teudhi zynk, a-dro dhe 700 tunnas an vledhen, an moyha rann dhyworth Kanada. Nyns yw lies devnydh dhe indiom marnas kesalkenyow gans poynt teudhi isel usys yn kevreythow skyllyoryon dowr awtomatek dhe lettya tan, nebes kesstoffow hanter-kendegi usys yn daffar elektronek, hag avel gwedrow-mires. Yn 2009 diskudhys liw nowydh a gomprehend indiom, h.y. glas YInMn yn Pennskol Oregon.

Poos atomek indiom yw 114.81, y boynt treudhi yw 156°C ha'y boynt bryjyon yw 2080°C. Y dhosedh yw 7.3kg an liter. Alkan medhel arghansek yw. Pan blegys yw darn a alkan indiom, ev a wighal.


Mirva[chanjya | pennfenten]