Gwithti Hendhyskonieth Gaza

Dhyworth Wikipedya, an godhoniador rydh
Jump to navigation Jump to search
Amgueddfa Archaeoleg Gaza
Sort gwithti, ostel, convention center Edit this on Wikidata
Ygeryans sodhogel 2008 Edit this on Wikidata
Fondys 2008 Edit this on Wikidata
Doronieth
Tyller Gaza Edit this on Wikidata
Konteth Gaza Edit this on Wikidata
Gwlas Palestin Edit this on Wikidata



Gwithti Hendhyskonieth Gaza (Arabek المتحف, Al Mat'haf, "An Gwithti") aswonys ynwedh avel Chi Gwari ha Gonisogeth Al Math'af a ygoras dhe'n werin yn kynnyav 2008 yn Gaza.[1] An Gwithti yw kresen geskussulyans gans bosti, ostel ha gwithti, oll pywvedhys yn privedh. An gwithti a gomprehend kothenebow diskudhys y'n Skethen Gaza dhyworth divers osow.[2]

Gwithti[golegi | pennfenten]

An gwithti a syns kuntel a 350 tra mar goth avel an Oos Brons (3500 K.O.K)[2] kepar ha toulys, kolovennow, motifow, bathow, gweder ha priweyth dhyworth an osow Romanek ha Besontin, an Oos Islamek hag Oos Krowngasow, bys dhe dermyn sesyans an Skethen Gaza gans Ejyp a worfennas yn 1967. Pub diskwedhyans a gomprehend displegyansow yn lies yeth, gwiw dhe'n werin hag arbenigoryon, mes nyns eus dedhyas vytholl dhe'n taklow. [1]

Herwydh kevarwodher an gwithti, Jawdat N. Khoudary, "An tybyans yw dhe dhiskwedhes agan gwreydhyow dhyworth lies gonisogeth yn Gaza. … Posek yw tus dhe gonvedhes bos genen hwarheans da y'n termyn eus passyes. Yma dhe Ysrael laghuster dhyworth y istori. Yma dhyn ni ynwedh."[3]

Nyns eus lagha dhe Gaza hag a vynn orth dhrehevoryon gul hendhyskonieth gweres pan veu diskudhys taklow hendhyskoniethel. Avel perghennik kowethas drehevel, Khoudary a wovyn orth y arvethesigyon dhe weres pynag oll dra yw diskudhys mayth allo kavos tresorys rag an gwithtiow. Ev a dal pyskadoryon neb a dhre taklow a vern hendhyskoniethel dhodho. [3]

"Sowthanus" yw deskrivyans an New York Times a dhrehevyans an gwithti, gwrys yn rann a gerrygi daskevys dhyworth treven koth, hen daklow hyns horn ha kolovennow diskudhys gans pykadoryon Gaza. [3]

Towlys o dhe'n gwithti kavos skoodhyans dhyworth UNESCO, hag arghans dhyworth kesva a fydhyadoryon palestinek. Ev a gyv skoodhyans skiansek ha teknogel dhyworth gwithtiow cita Geneva. [4]

Censorys yw nebes diskwedhyansow an gwithti gans governans Gaza (ledys gans Hamas). Taklow na yllir aga diskwedhes a gomprehend imachys a Aphrodite ha duwyow koth erel ha lugern gans skeusennow menorah. [3]

  1. "Archived copy". http://www.almathaf.ps/en-about.php. Gwithti Hendhyskonieth Gaza
  2. 2.0 2.1 "Al-Mathaf a Proud Tribute to Gaza’s Past and Future," Sami Abdel-Shafi, August 2010, This Week in Palestine.
  3. 3.0 3.1 3.2 3.3 Museum Offers Gray Gaza a View of Its Dazzling Past, Ethan Bronner, New York Times, July 25, 2008.
  4. Gaza at the Crossroad of Civilizations.