Germaniom

Ensampel a	Elven gymyk
Klass	govetelek, soled rosweyth kestalvesek
Furvell gymyk	Ge
Dydhyas diskudhans	1886
Niver atomek	32
Elektronegedhegedh	2.01
Studh oksidyans	−4, −3, −2, −1, 1, 2, 3, 4
Rann a	period 4, bagas 14
Restrennow kelmys war Gemmyn Wikimedia

Elven gymyk yw germaniom, niver 32 y'n Vosen Beriodek. Y furvell yw Ge. An hanow a dheu dhyworth Germania, an hanow Latin rag Almayn. Nyns eus devnydh dhe germaniom y'n korf denel. Yn despit dhe hemma, re a leveris bos germaniom lesel dhe yeghes, wosa lyver dyllys yn Nihon yn 1980. Kazuhiko Asai a lavasas bos kesstoffow germaniom dhe les an kevreyth immun. Yn 1989 Governans an RU a warnyas yn erbynn aga devnydh.

Diskudhys veu germaniom gans Clemens A Winkler (1838-1902) yn Freiberg, Almayn yn 1886. Ev a wrug hwithrans war voon argyrodit. Askorrys yw a-dro dhe 80 tonnas an vledhen dhyworth atal teudhoryon zynk. Hanterkendegor yw, ytho usys o gans arsenik dres lies bledhen dhe wul kesrannow elektronek. Usys yw galliom yn y le lemmyn. An chif devnydh dhodho lemmyn yw dhe wul lensys kamera.

Hanter-alkan gwynn-arghansek, brottel yw germaniom. Germaniom o an elven kynsa usys dhe wul transistoryon dhyworth 1948 a-rag. Y boos atomek yw 72.61. Y boynt treudhi yw 938°C ha'y boynt bryjyon yw 2830°C. Y dhosedh yw 5.3kg an liter.

Mirva

• 

  Clemens A Winkler

• 

  Argyrodit

• 

  Lensys kamera

• 

  Diod germaniom a-varr

• 

  Radyo transistor - 1957