Gallek
| Gallek | |
|---|---|
| Cowsys en: | Europa cres ha west a-dhia 6ves cansvledhen K.O.K. bys dhe 600 O.K. |
| Teylu tavas: | Eyndo-Europek |
| Radnyethow | |
| Savla Sodhogel: | |
| System scrifa | Italek coth, Greka, Latin |
| Codennow | |
| ISO 639-3 | xtg – Gallek treusalpek xga – Galatek xcg – Gallek cisalpek xlp – Lepontek |
| Rol Linguist | xtg – Gallek treusalpek xga – Galatek xcg – Gallek cisalpek xlp – Lepontek |
| Glottolog | tran1289 Keltek treusalpek / Galatek |
Gallek (terweythyow Galianek) o yeth an Geltyon en radndir west a Europa Cres, dre vras e'n radndir ajwonys avel Gal (Latin: Gallia). Yeth Keltek o Gallek en scorren an teylu henwys Keltek Brastiryel. Perderys ew hy bos pur ogas dhe Vrythonek ha Galatek. An yeth a verwis nanj ew a-dro dhe 1500 a vledhydnyow. Res ew dhyn cregy war dhustuny henwyn ha geryow en oberyow awtours romanek, scrifow ha henwyn telleryow rag agan skians adro dhedhy.
Lies scrif ew an pednfenten moyha a bris. Scrifys en jei en teyr scrifen dhyffrans. En Etrurya ha radndiryow ogas kevys ew scrifow Gallek e'n scrifen Etruskek, ow tedhya dhort an eyl cansvledhyn K.O.K.. En dyhowbarth Frenk kevys ew ogas dhe 60 a scrifow e'n scrifen Ionek (scrifen an hen yeth Greka), an brassa radn anodhans ow tedhya dhort an kensa cansvledhen O.K., rag ensampel a radndir Marseille. Enwedh ema class a scrifow e'n abece Latin en Gal y honan, a-dro dhe gans anodhans, ow tedhya dhort an oos romanek, (an peder cansvledhen gensa O.K.). An onan moyha besy a oll anodhans ew an Calandar Coligny, leghednow plobm a Charmalières ha Larzac, ha fos-scrifow war briweyth La Graufesenque.
Fonologieth
[golegi | pennfenten]
.jpg)
| A-rag | Cres | A-dhelergh | |
|---|---|---|---|
| Deges | i iː | u uː | |
| Kres | e eː | o oː | |
| Ygor | a aː |
- bogalyes:
- berr: a, e, i, o u
- hir: ā, ē, ī, (ō), ū
- diwvogalyes: ai, ei, oi, au, eu, ou
| Gweusek | Alveolek | Stevnigek | Velar | |
|---|---|---|---|---|
| Tronek | m | n | ||
| Tardhson | p b | t d | k ɡ | |
| Asrutyek | ts | |||
| Rutyek | s | x ɣ1 | ||
| Nesogasans | j | w | ||
| Linyel | r, l |
- [x] yw allofon a /k/ a-dherag /t/.
- lettow:
- dilev: p, t, k
- levek: b, d, g
- heglew
- tronek: m, n
- linyel r, l
- sison: s
- asrutyek: ts
- hanter-bogalyes: w, y
Casys henwyn
[golegi | pennfenten]Ema dhe Gallek seyth cas: an hanwek, galwek, dryghek, pewek, dosnesek, maynek ha'n telleryek. E'n vosen a sew ema berrscrif a dhiwedhyansow rag an geryow *toṷtā "trib, pobel", *mapos "maw, mab", *ṷātis "gwelesydh", *gutus "lev", *brātīr "broder".
| Cas | Udnplek | Liesplek | |||||||||
|---|---|---|---|---|---|---|---|---|---|---|---|
| ā-ben | o-ben | i-ben | u-ben | r-ben | ā-ben | o-ben | i-ben | u-ben | r-ben | ||
| Hanwek | *toṷtā | *mapos (n. *-on) | *ṷātis | *gutus | *brātīr | *toṷtās | *mapoi | *ṷātīs | *gutoṷes | *brāteres | |
| Galwek | *toṷtā | *mape | *ṷāti | *gutu | *brāter | *toṷtās | *mapoi | *ṷātīs | *gutoṷes | *brāteres | |
| Dryghek | *toṷtan ~ *toṷtam > *toṷtim | *mapon ~ *mapom (n. *-on) | *ṷātin ~ *ṷātim | *gutun ~ *gutum | *brāterem | *toṷtās | *mapōs > *mapūs | *ṷātīs | *gutūs | *brāterās | |
| Pewek | toṷtās > *toṷtiās | *mapoiso > *mapi | *ṷātēis | *gutoṷs > *gutōs | *brātros | *toṷtanom | *mapon | *ṷātiom | *gutoṷom | *brātron | |
| Donesek | *toṷtai > *toṷtī | *mapūi > *mapū | *ṷātei > *ṷāte | *gutoṷei > gutoṷ | *brātrei | *toṷtābo(s) | *mapobo(s) | *ṷātibo(s) | *gutuibo(s) | *brātrebo(s) | |
| Maynek | *toṷtia > *toṷtī | *mapū | *ṷātī | *gutū | *brātri | *toṷtābi(s) | *mapuis > *mapūs | *ṷātibi(s) | *gutuibi(s) | *brātrebi(s) | |
| Telleryek | *toṷtī | *mapei > *mapē | *ṷātei | *gutoṷ | *brātri | *toṷtābo(s) | *mapois | *ṷātibo(s) | *gutubo(s) | *brātrebo(s) | |
Geryow chevisys dhort an Gallek dre Latin dhe Sowsnek hag ena dhe Gernowek po Kembrek
[golegi | pennfenten]Chevisys:
| Gallek | Latin | Sowsnek | Kernowek |
|---|---|---|---|
| ambactos | ambactus | embassy | abmeth |
| beccos | beccus | beak | bagh |
| bolgā | bulga | bulge, bilge (goles kok), budget | (Kembrek - bol = sagh boos) |
| bragos | dre'n Oksitanek brau | brave | brav |
| brennos | dre'n Frynkek 'bren' | bran ‘plisk kergh’ | hanow teller 'Polbreen' |
| glanos | glennare | glean | (Kembrek - dichlynu =pennowa) |
| karros | carrum, carrus | car | carr |
| crāmum | dre'n Frynkek cresme | cream | crabmen |
| kambion | cambīre | change | chanjya |
| trougos | truant | truant | truan |
| vassos | vassus, vassallus | vassal | gwas |
| vorēdos | verēdus / paraverēdus | palfrey | (Kembrek - gorwydd = margh) |
Nebes geryow Gallek
[golegi | pennfenten]
- Aballo - aval
- Aedos - oles
- Bena - benenw
- Berros - berr
- Biccos - bian
- Brogos - bro
- Caleto - kalish
- Damos - davas
- Dragenos - dren
- Durnos - dorn
- Gamon - gwav
- Garbos - garow
- Iaros - yar
- Lavenos - lawen
- Litanos - ledan
- Louernos - lowarn
- Maros - meur
- Natir - nader
- Parios - per (cowdarn)
- Rix - ruw
- Senod - hen
- Taranos - taran
- Tractos - treth
- Vagena - goon
- Varina - gwerin
- Vivero - gwiwer
- Vlago - gleb
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.