Esplegyans

Dhyworth Wikipedya, an godhoniador rydh
Jump to navigation Jump to search
Lymnans an esplegyans a dus yn lyver Sowsnek ow tisplegya korfow eskern.

Esplegyans yw argerdh bewoniethel. Yth yw fatel wra chanjya taklow bew dres termyn ha fatel wra eghennow nowydh displegya. An tybieth a esplegyans yw tybyans posek yn bewonieth a styr fatel ober esplegyans hag, ynwedh, fatel wrug taklow bew ha difudhys dos ha bos kepar ha dell yns i.

Esplegyans re beu ow hwarvos a-ban dhallathas bewnans war an Norvys hag usi ev ow hwarvos lemmyn. Kawsys yw gans dewis naturel. Nyns yw eyl organedhow bew an keth avel y gila poran, yma dyffransow munys dhedha. Nebes dyffransow a wra treusvewa po dynythi esya. Po y fydh esya dhe drovya boos, omgudha a beryl po maga fleghes a wra treusvewa. Ena, y fydh dhe'n fleghes nebes an taklow hag o dhe les dhe'ga herens. Dres termyn, an dyffransow ma a wra pesya ha'n organedh a wra chanjya lowr dhe vos eghen nowydh.

Y hwodhir y hwrug taklow bew chanjya dres termyn, awos bos gweladow aga horfow marow yn karrygi. An korfow marrow ma yw henwys 'omgarregynnow'. Hemma yw prov bos an enevales ha plansow a'n jydh hedhyw dyffrans a'n re a'n termyn eus passys. Dhe gottha an omgarregyn, dhe vrassa an dyffransow a'n furvow arnowydh. Skila a hemma yw esplegyans ha skoodhys yw gans meur a dhustuni.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png An erthygel-ma ew onen a'n 100 erthygel moyha posek war Wikipedya.