Elven (karrek)

Rag usyansow erel, y hweller Elven (klerheans)

Mappa sempel ow tiskwedhes batholithow ha karrygi tanek mafik Kernow

Elven ew hanow usys en Kernow rag varyansow leel a borfiri-kanndir. Lesys enjei en avrewlys e'n kevres a garrygi ugh-Dewnek. Ma nebes anodhans ow kul meyn derevel pur dha (rag ensampel men Bentewyn, men Pollefans ha men Kataklews). Gwyrdhven ew hanow aral usys rag an garrek ma, usys en venowgh rag radnow a dherevyansow pekar ha darasow. An garrek a ell bos kervyes en fin. Skwattys ew an brassa radn a vengleudhyow elven lebmyn. Erel ew mengleudhys rag grow usys rag derevel for'ow.

Dhe vos moy kewar, ya diw ehen a elven: onan ew "elven wydn" ha'n aral ew "elven las". Elvednow gwydn ew bagas a garrygi tanek felsik gen gwrisow munys. Elvednow glas po gwyrdhveyn ew karrygi tanek mafik anusadow. Ken teffo elven wydn a delleryow dyffrans, gelwys ew 'men Bentewyn' en venowgh (po henwyn erel ow krog war an teller). Usys ew en Stret Leon, Truru.

Hendhyskomieth

A-dro dhe 400 a volyow men kensistorek, aswonys avel bolyow Bagas 1 ha gwres a wyrdhven, ew kevys en pub radn a Vreten Veur. Ma dielvednans menoriethek ow tiskwedhes bos anjei ow tos a Gernow west. Nag ew an mengleudh aswonys hwath, bes kynnigys ew ma fo An Ger an teller ewn, karrek en-dadn level an mor hanter mildir dhort arvor Pennsans. Hebm a dhiskwedh myns posek a genwerth drefen bos kebmys a-dreus Breten Veur.

Ma an erthygel ma usya an Furv Skrifys Savonek a-barth Kernowek diwedhes.