Croquet

Dhyworth Wikipedya, an godhoniador rydh
Jump to navigation Jump to search
Modern croquet equipment.JPG
Ensampel a eghen a sport Edit this on Wikidata
Klass gwari pel, gwari glesin Edit this on Wikidata
Gwlas Pow Sows, Repoblek Wordhen Edit this on Wikidata
Commons page Restrennow kelmys war Gemmyn Wikimedia

Sport yw croquet. Gwarioryon a assay gweskel pelyow liwys gans morben dre yettys byghan (henwys 'hoops' yn Sowsnek Breten Veur ha 'wycketys' yn Sowsnek an Statys Unys) war lesin gwels. An korf governa yw Keffrysyans Croquet an Bys.

Varyansow[golegi | pennfenten]

Y hwarier niver a varyansow a croquet, gans dyffransow yn aga systemow skorya, aray an tennow hag aray an yettys. Yma dew furv gans rewlys degemerys yn kesgwlasek, hemm yw 'croquet kowethas' (association croquet) ha 'croquet golf' (golf croquet). Gwari hevelep yw gateball a dheuth dhyworth Nihon.

Pub peder bledhen, an Statys Unys, Ruvaneth Unys, Ostrali ha Mordir Nowydh a wari rag Pewas an Skoos MacRobertson. Croquet o gwari y'n Gwariow Olympek yn 1900, ha Roque, varyans amerikanek, gwari y'n Gwariow Olympek yn 1904.

Croquet Golf[golegi | pennfenten]

Dew po peswar gwarior a yll gwari croquet golf. Unn para a gemmer an pelyow glas ha du, an aral rudh ha melyn. Pubonan a gemmer tenn an eyl wosa y gila, glas yn kynsa, ena rudh, du ha melyn. An kynsa dhe vos dre yet a'n skor. Tennys yw an yettys yn aray arbennek, gweller an delinyans. Gwaynyer an gwari yw an person/para gans an niver moyha a yettys. Mars usi an skor kehaval wosa 12 yet, an warioryon a assay rag yet owrek. Croquet golf yw essa dhe dhyski, mes res yw gul devnydh a wari kewar ha towl dhe sewena. An gwari yw moy uskis gans moy a sortow a denn ages croquet kowethas. Mars eus dew bara aral a vynn gwari kettermyn, usys yw sett a belyow erel, gwyrdh, rudhwynn, gell ha gwynn.

Aray an yettys yn croquet

Croquet Kowethas[golegi | pennfenten]

Croquet kowethas a us an keth peswar pel avel croquet golf. Yn y dorn, an gwarier a yll devnydhya poken y dhew bel. Mars usi an gwarier a wysk y bel dre'n yet (resek an yet) po gweskel pel an erbynner (roquet), y dorn a yll durya. Wosa roquet, an gwarier a gemmer y bel ha'y settya erbynn an bel gweskys. An tenn nessa yw gwariys gans an dhiw bel ow tochya. Hanow an tenn ma yw an tenn croquet. Gans y denn nessa (tenn durya, continuation stroke) an gwarier a assay resek yet aral po gul tenn roquet aral. An gwaynyer yw an para a gowlwra an sett a 12 yet ha gweskel an welen gres diwweyth, h.y. 26 poynt.

Istori[golegi | pennfenten]

Kampollys yw croquet rag an kynsa prys yn 1856 yn sett a rewlys skrifys gans Isaac Spratt yn Loundres. Yn 1868 fondys veu an All England Croquet Club yn Wimbledon. An klub a dhisplegyas dhe vos an klub tennis a vri awosa. An gwari a godhas fest gerys da y'n 1860ow, mes tennis a gemeras y le y'n 1880ow.

Lien[golegi | pennfenten]

Gwari meurgerys yw croquet yn novel Leo Tolstoy, 'Anna Karenina'. Yma versyon koynt a'n gwari yn lyver Lewis Carroll, 'Alys yn Pow an Anethow', gwariys gans flameges, sortes ha kartennow. Croquet a dhiskwedh yn niver a lymnansow, rag ensampel gans Edouard Manet, Winslow Homer ha Norman Rockwell, hag yn niver a novelys ynwedh, r.e. 'The Grapes of Wrath' gans John Steinbeck, 'The Shining' gans Stephen King hag H.G.Wells, 'The Croquet Player'.

Mirva[golegi | pennfenten]