Basbousa

Klass	tesen
Gwlas	Ejyp
Synsys ynno/i	semolina
Restrennow kelmys war Gemmyn Wikimedia

Basbousa (ewedh namoura, revani, hareseh hag henwyn erel) ew tesen velys Ottoman hengovek dhort Turki e'n kensa le, ken thew meurgerys en powyow erel. Gwres ew dhort kestew semolina, kegys en padell, nena melysheys gen dowr bleujen owraval, dowr rosen po melysugen sempel, terrys en furvow adamantys. Kevys ew e'n brassa radn a diredhow an Emperoureth Ottoman, hag ev a wra apperya en keginyeth an Levant, keginyeth grek, azerbaijanek, turkek ha lies aral.

Henwyn

Basbousa e'n Levant gen alamandys war benn

Kevys ew basbousa e'n keginyethow an Levant, Balkanyow ha Afrika North gen lies hanow.

• Arabek Ejyp: basbūsah
• Arabek Libi: basbousa
• Arabek: هريسة harīsa (ow styrya brewys), نمورة nammoura
• Armeniek: Շամալի shamali
• Grew: ραβανί (ravani), ρεβανί (revani), σάμαλι (samali).
• Turkek: revani
• Makedonek: (ravanija), раванија

Basbousa ew hanow an sant melys en Ejyp hag Afrika North. Henwys ew "hareesa" en venowgh e'n Levant, hag en cita Ejyp Alexandria maga ta, bes en tiredhow erel Ejyp, hareesa ew msant melys dyffrans en tien. Notyewgh bos "haressa" en Afrika North sows rudh spisek. Sant melys meurgerys ew basbousa emesk Ejyptyonyon oll; an chif sand ejypek ew rag Eid ha Ramadan, ha rag Kristonyon ewedh pan ma anjei ow sevel ort ddbri, pekar ha rag Korawys ha Nadelek, drefen bos possybyl dhe wul versyon vegan nodho.

Basbousa Vegan (Usys yw sows aval yn le oy)

Varyansow

Pastūsha (treweythyow pastūçha) ew varyans a basbousa dhort Koweyt e'n 2010ow. Pekar ha basbousa, gwres ew dhort semolina segys en melysugen. Keworrys ew know pistachio melyes ha dowr bleujen owraval.

Basbousa bil ashta – varyans dhort an Levant lenwys gen dehen ashta (dehen molys a Levant) e'n kres.

Basbousa Vegan - An termynyow ma, kevys ew basbousa avel versyon vegan. Usys ew sows aval rag glena an kemyskans warbarth en le askor leth ha oyow.

Dustini

Ma an erthygel ma usya an Furv Skrifys Savonek a-barth Kernowek diwedhes.