Bal Levant

Dhyworth Wikipedya, an godhoniador rydh
Jump to navigation Jump to search
An tyller balweyth dhe Levant.

Bal Levant (Sowsnek: Levant Mine) yw bal deges y'n Arenebedh Balweyth Lannust yn Kernow West. Yma gwithti yn byldyansow koth war an tyller usi pywys gans an Trest Kenedhlek hag yma jynn-prenn Kernewek dhe'n tyller, usi an unsel y'n bys usi oberys gans ethen hwath yn y le gwreydhek.

Istori[golegi | pennfenten]

Y'n 19ves kansvledhen yth esa Kernow an askorrer posekka a gober y'n bys oll ha dhe'n pols ma yth esa Levant onan an balyow a hembronkas an erel yn-mysk an balyow Kernewek. A-dhia 1820, kober veu balyes dhe Levant ha sten a dheuth diwettha. Dhe dopp y askorrons yth esa 500 a dus owth oberi rag an bal. Yn 1857 jynn-den veu ynstallyes esa oberys gans ethen rag kotthe viaj an dus-bal yn hag a-dhyworth an bal down. Yth esa pymp jynn-ethen owth oberi war an tyller yn 1873 rag pompya ayr yn ha dowr a-dhyworth an bal ha rag oberi an jynn war arenep an dor.

Bal Levant war an arvordiryow Kernow.

An bal a dhrehedhas downder a 1,968.5 tros-hys (600 meter) hag ev eth a-dro dhe 1.5 mildir (2.5 kilometer) yn-dann gweli an mor. Ev veu gwannhenwys "an bal yn-dann an mor". Wosa an bal dhe dhegea yn 1930, ev a leunhas gans dowr.

Yn 1959 an Bal Sten Gever, usi 400 meter dhe'n north-est a Levant, a dhalathas ow hwilas rag monow y'n bal koth. Dowr veu pompyes a-dhyworth an bal ha mordhowr veu trovyes ow frosa yndho; hemma a dhiskwedhas yth o an dus-bal owth oberi pur ogas dhe weli an mor. Yn 1962 ha 1963 an bal veu selyes ha krefhes gans kestevyn. Dhe'n unn pols, kowfordh veu kleudhyes a-dhyworth Bal Gever dhe Val Levant, mes ny veu lower a vonow trovyes, ytho an bal Levant veu deges arta ha skorennow erel an bal Gever veu hwithrys y'ga le.

Droglamm[golegi | pennfenten]

Kalter an jynn-ethen dhe Val Levant.

War 20ves mis Hedra 1919 yth esa droglam y'n bal. 31 den-bal a verwis ha meur a dus erel veu shyndyes. Dhe bols an droglam yth esa 100 a dus war an jynn-den, pan derras korbel-staga an prenn. An prenn plommwedhek meur a godhas y'n shafta ha skwardya grisys an jynn-den ganso. Wosa hemma, ny veu an jynn-den ewnhes, hag isella nivelyow an bal veu forsakyes.

Yma CD kavadow henwys "Voices from Levant" (Levow a-dhyworth Levant) a gomprehend duryoryon an droglam ow kowsel a-dro dhodho hag ow leverel drolla an bal.

Gweller ynwedh[golegi | pennfenten]

Kevrennow[golegi | pennfenten]

Levant Mine and Beam Engine - Trest Kenedhlek (yn Sowsnek)

Levant Mine and Beam Engine- Balweyth Kernewek: Ertach an Bys (yn Sowsnek)

Levant Mine - Cornwall Calling (yn Sowsnek)

"Voices from Levant" - gwerthji war-linen Chough Digital (yn Sowsnek)