An Skrij

An Skrij

Ensampel a	bagas a lymnansow, ober art
Gwrier	Edvard Munch
Label teythyek	"Skrik"
Dalleth/Fondya	1893
Tyller	National Gallery of Norway
Synsys ynno/i	The Scream, The Scream, The Scream, The Scream
Restrennow kelmys war Gemmyn Wikimedia

Ober art gen Edvard Munch ew An Scrij, (FSS (K) An Skrij), (norgaghek: Skrik). Munch a wrug dew liwans ha dew dhelinyans pastel ha lithograf nodho tredh 1893 ha 1910. Ken fe Norgaghyas, ev a ros hanow almaynek Der Schrei der Natur (Scrij Natur) dhe'n ober ma.

An enep e'n skeusen ew onan a'n imajys moyha ajwonys en art. Pur a bris o an liwans rag aweni an gwayans Menegesydhel dalleth an 20ves kansvledhen.

Munch a borthas cov y vos en-mes ow kerdhes e'n mo pan wrug golow an howl treylya an komol "liw goos". Ev a omglewas "scrij didhiwedh ow tremena dre natur". Studhyoryon a dhiskudhas bos an teller neb fyord ogas dhe Oslo. Anjei a gomplas skilys rag an ebron rudhvelyn, pecara tardhans mena tan ha dasoberyans bresek gen Munch woja removans y whor dhe folji.

En mis Me 2012, gwerthys veu onan a'n liwansow rag £74 milvil en strifwerth, an sommen voyha besketh bys dhe'n termyn na rag darn a art.

Mirva

• 
  1893, pastel war basbord. Versyon kensa An Scrij, hebm ew an versyon lebma whrug Munch delinya radnow essensek an composyans.
• 
  1893, oyl, tempera ha pastel war basbord. An kensa versyon displegys, ha'n versyon moyha ajwonys, desedhys ew en Mirva Kenedhlek Norgagh en Oslo.
• 
  1895, printyans lithograf an men lithograf. Nebes anodhans a veu liwys ges Munch.
• 
  1895, pastel war basbord. Hebm o an versyon gwerthys rag US$120 milvil (£74) en Sotheby's en 2012. Lebmyn radn a guntel privedh Leon Black ew.
• 
  1910, tempera war basbord. Ladrys veu an versyon ma dhort Gwithti Munch en 2004, bes daskevys veu en 2006.
• 
  Heb dedhyas, delinyans ink. Ema'n composyans ma, gen figur cres dhort An Scrij en Gwithti Universita Bergen.

Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.