Yterbiom

Ensampel a	Elven gymyk
Furvell gymyk	Yb
Dydhyas diskudhans	1878
Niver atomek	70
Elektronegedhegedh	1.1
Rann a	lanthanid, period 6
	Restrennow kelmys war Gemmyn Wikimedia

Elven gemyk ew yterbiom, niver 70 e'n Vosen Beriodek. Y arwodh ew Yb. An hanow a dheu dhort tre Ytterby en Sweden. Yterbiom ew onan a beder elven henwys dhort an dre ma. Onan a'n elvednow dor-tanow po lanthanid ew. Nag eus radn vewoniethel dhe'n elven. Serrys ew polter ha kesstoffow yterbiom dhe'n grohen ha lagasow.

Enyshes veu yterbiom rag an kensa pres en 1878 gen an kemygydh a Swistir, Jean Charles Galissard de Marignac. Askorrys ew yterbiom dhort an moon monazit war-barth ha lanthanidow erel. Monyow erel hag a gomprehend yterbiom ew euksenit ha gagarinit, henwys dhe enora Yuri Gagarin, an stervarner kensa. An chif askororyon ew China, an Statys Unys ha Brasil, ha gwres ew a-dro dhe 50 tonnas a'n olkan an vledhen. Keworrys ew dhe grevhe dur dinam, rag gul klockys atomek pur gewar hag en laserow.

Poos atomek yterbiom ew 173.04, y boynt teudhi ew 824°C ha'y boynt bryjyon ew 1193°C. Y dhosedh ew 6.97kg an liter. Olkan medhel gwydn-arhansek ew