Ynjynorieth

Dhyworth Wikipedya, an godhoniador rydh
Jump to navigation Jump to search
Ponsyow a yll diskara awos ynjynorieth dhiantel, kepar hag yn diskar pons Tacoma Narrows yn Washington yn 1940.

Ynjynorieth yw an devnydh a bennrewlys godhoniethek dhe dhesinya ha drehevel jynnys, strethurow ha taklow erel, y'ga mysk ponsyow, kowfordhow, fordhow, degadoryon ha drehevyansow. An dhyskybleth a ynjynorieth a yssyns efander ledan a dhyskyblethow arbennikhes a ynjynorieth, pub onan gans poslev moy komparek yn rannow arbennik a awgrym gweythresek, godhonieth gweythresek hag eghennow a omrians.

Nebonan a wra ynjynorieth yw henwys ynjynor po jynner; i a dhysk ynjynorieth yn kolji po pennskol. Nebes ynjynoryon a dhevnydh aga sleyneth dhe assoylya kudynnow teknegel. Yma eghennow dyffrans a ynjynoryon a dhesin puptra a jynnys-amontya ha drehevyansow dhe euryadoryon ha gwiasvaow.

Ni re'gan bia ynjynorieth a-dhia kotheneb pan wrug tus devisya dismygyansow kepar ha'n genn, kolpes, ros ha tennros, h.e. Wosa henna, ha'n desin a kesweythow dinasek owth adhvesi avel dyskybleth teknegel, an term ynjynorieth dhinasek a entras an geryador avel fordh dhe dhivagli yntra an drehevyans a ragdresow di-vreselek ha'n dhyskybleth a ynjynorieth vreselek.

An ger ynjynorieth yw devedhys dre Frynkek a'n Latinek ingenium a styr "konnekter" hag ingeniare a styr "devisya, dismygi". Kevys yw yn Hen Kernewek yn Vocabularium Cornicum avel "inguinor" gans an 'gu' leverys avel an 'j' lemmyn.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png An erthygel-ma ew onen a'n 100 erthygel moyha posek war Wikipedya.