Skantlyn:Erthygel disqwedhes/1
Timor Est yw gwlas en Asi Soth-Est. Trevesigeth portyngalek o Timor Est a-dhia 1702. Indonesya a wrug fetha an wlas naw dedh woja y dhiscleryans anserhogeth en 1975. Ynter 100,000 ha 200,000 a dus a wrug kelly aga bownans der bad-oberow en termyn gallos indonesek en Timor Est.
Indonesya a wrug gara Timor Est woja gwerinvota en 1999; soudoryon awstralek a'n Kenedhlow Unys a wrug surhe cres. En 2002, kenedhlow an bys a wrug ajon anserhogeth Timor Est. An kensa pedn-menyster, Marí Alkatiri, a asas y soodh en 2006 woja termyn a droplansow garow.
Yma pobel Timor Est ow sewya an fay catholik. Ymons i ow cowsel leun a davosow malayek-polynesek poken papouek, mes Tetounek yw devnydhys avel yeth kebmyn a radn vras a'n bobel. An gottha tus a ell cowsel Portyngalek. An dhiw-ma yw tavosow savonel an stat. Re yonk a ell cowsel Indonesek ha nepprys Sowsnek.