Satyricon

Dhyworth Wikipedya, an godhoniador rydh
Ensampel a ober liennek Edit this on Wikidata
Awtour Petronius Edit this on Wikidata
Gwlas Emperoureth Romanek Edit this on Wikidata
Yeth Latin Edit this on Wikidata
Dalleth/Fondya 1 century Edit this on Wikidata
Eghen Menippean satire, erotika Edit this on Wikidata
Rol a warioryon Trimalchio, Habinnas, Agamemnon, Ascyltos, Giton, Encolpius, Eumolpus, Fortunata, Oenothea, Quartilla, Scintilla, Tryphaena, Proselenos, Lichas Edit this on Wikidata
Studh gwirbrintyans public domain, public domain Edit this on Wikidata
Commons page Restrennow kelmys war Gemmyn Wikimedia

Satyricon po 'Satyricon liber' yw hanow lyver gans Gaius Petronius dell yw prederys bos an kynsa novel skrifys bythkweth. An hanow a styr ‘Lyver a aventuryow hevelep dhe satyr’. Skrifys veu an lyver y’n yeth Latin y’n kynsa kansvledhen O.K.. An ober a gomprehend kemyskans a yeth plen ha vers, elvennow hwarthus ha sevur war-barth ha rannow erotek.

Yth ekist marnas rannow an ober gwreydhek. Hemm yw an nessa moyha kowal novel romanek, wosa ‘An asen owrek’ gans Apuleius.

An lyver a dheskrif aventuryow an hwedhlor, Encolpius, ha’y geth ha karer Giton, maw semli 16 bloodh. Satyricon yw dustuni dhe les rag deskrifa pana sort a vewnans o dhe romans klass oberi y’n oos na. Yn-mysk an chaptrys yw deskrivans a vri ‘Kevewi Trimalchio’. Yth a Encolpius ha’y gowetha dhe gevewi den frank pur wolusek. Trimalchio a wra dyghtya sandys skullyek ha meur aga spendyans, ha diskwedhes y rychys ha fayntys adhysk. Pan a Trimalchio dhe’n privedhyow, an gwestoryon erel a gows a-dro dhe daklow normal, an gewer, termynyow kales, gwarioryon poblek hag adhysk aga fleghes. Yn y dheskrifans a vewnans pub dydh an werin, Petronius a gemmer delit orth dhiskwedhes fowt jentylys ha fayntys an bobel wolusek mes anlettrys. Petronius a wra usya yeth an werin yn y lyver, leun a yeth goth ha mollethi.

Lies lyver arnowydh a gomprehend menegow a Satyricon.

  • 'Trimalchio' o hanow versyon a-varr ‘The Great Gatsby’ gans F.Scott Fitzgerald.
  • Kan a vri 'The Waste Land' gans T.S.Eliot a gomprehend devyn ger rag ger dhyworth Satyricon.
  • An novel ‘The Picture of Dorian Gray’ gans Oscar Wilde a gomprehend meneg.

Yn 1969, gwrys veu dew versyon fylm a’n lyver. Selys yn lows war an lyver o fylm Federico Fellini ha’n fylm aral, kevarwodhys gans Gian Luigi Polidoro.

Yma bagas rokk alkan du dhyworth Norgagh henwys Satyricon.