Satyajit Ray
| Satyajit Ray | |
|---|---|
.jpg) | |
| Genys |
2 Me 1921  Kolkata |
| Mernans |
23 Ebrel 1992 Kolkata |
| Galwesigeth |
kevarwodher fylmow, askorrer film, skrinskrifer, skrifer geryow kan, kevarwodher |
| Pewasow |
Bharat Ratna, Commandeur des Arts et des Lettres |
| Gwiasva |
http://www.satyajitray.org/ |
Satyajit Ray (
Leveryans Shottojit Rae) (2 Me 1921–23 Ebrel 1992) o kevarwodher fylm Bengali a Eynda. Lies den a breder y vos onan a'n gwella gwrioryon fylmow e'n 20ves kansbledhen.
Genys veu en cita Kolkata. Y deylu Bengali o a vris en artys ha lien. Ray a studhyas en Kolji Presidency hag Universita Visva-Bharati. Ev a dhallathas y resegva avel artydh kenwerthel. Woja ev dhe vetya gwrier fylmow frynkek Jean Renoir ha gweles an fylm italek Bicycle Thieves ha vysytya Loundres, ev a erviras oberi en fylmow.
Ray a gevarwodhas 37 a fylmow. Anjei a gomprehend fylmow gnas, fylmow dogvednek ha fylmow berr. Fylm kensa Ray, Pather Panchali, a waynyas udnek pewas kesgwlasek, ow komprehendya Pewas "Gwella dogven denel" en Gool Fylmow Cannes. An fylm ma, keffrys ha Aparajito ha Apur Sansar a furv an trias Apu. Ray a skrifas an skript, gul rol an gwarioryon, komposya an musek, gul an cinematografi, kevarwodha art, golegi ha desina y ditlow credit ha stoff argebmydna y honan. Ev o skrifer fuglen, dyller, lymner, desiner grafek ha barner fylmow.
En 1983 ev a wodhevis shora kolon. Ev a gawas moy a galetterow yeghes ye 1992. Mis kens y vernans, ev a waynyas Pewas Akademi Onourek, presentys gen Audrey Hepburn.
|
Onan a'n mil erthygel posekka war Wikipedya yw an erthygel ma. |
Ma an erthygel ma usya an Furv Skrifys Savonek a-barth Kernowek diwedhes.