Robert Burnard

Dhyworth Wikipedya, an godhoniador rydh
Robert Burnard
Genys 1800 Edit this on Wikidata
Mernans 1846, 1876 Edit this on Wikidata
Galwesigeth lymner Edit this on Wikidata
Gis portrayans Edit this on Wikidata

Robert Burnard (1800 –13 Ebrel 1876) o lymner a Gernow. Ev a lymnas ha treven ha portrayansow. Genys veu yn 1800 (besydhys war an 12ves a vis Kevardhu 1800) yn Lanneyst ogas dhe Lannstefan, mab dhe Elizabeth Westlake Burnard ha Richard Parnell Burnard. An 8ves a vis Hedra 1822 ev a dhemedhis Jane (po Jenny) Chapman yn Alternonn. I a gavas peswar flogh, onan anedha a verwis yn yowynk. Jane a verwis seythen wosa genesigeth an peswora yn mis Du 1831. Ev a dhemedhis arta, dhe Elizabeth Stodden yn Gerens yn 1832, ow kavos deg flogh aral.

Ev a dhivroas dhe Ostrali yn 1840 gans y deylu. Wosa triga yn Plympton, Ostrali Soth niver a vledhynnyow, ev a removas dhe Adelaide, le mayth esa owth oberi avel payntyer chi gans y vab, Robert. Ev a verwis a shora yn 1876. Disgrifys veu gans an paperow nowodhow avel lymner ha trevesigether koth gordhys. Ynkleudhys yw yn korflan West Terrace gans y wrek hag onan a’y vyrghes Lucy.

Y vab kottha, Robert Burnard an yowynkka (1825 – 31 Est 1874) a’n jeva a’n keth hanow ha resegva pur haval, ow lymna an kethsam sort a lymnansow hag oberi avel paynter chi magata.

Y lymnans John Gubbins Newton ha’y hwor, Mary Newton yw an unnik lymnans gwrys ganso pan o trigys yn Kernow hwath, mar bell dell wodhon.

John Gubbins Newton ha’y hwor, Mary Newton gans Robert Burnard an kottha