Rhythm ha blous

Dhyworth Wikipedya, an godhoniador rydh
Jump to navigation Jump to search
John Lee Hooker two.jpg
John Lee Hooker
Ensampel a eghen a ilewydh Edit this on Wikidata
Klass ilewydh gerysda Edit this on Wikidata
Commons page Restrennow kelmys war Gemmyn Wikimedia

Eghen a ilewydh afro-amerikanek a dhallathas y'n 1940ow yw rhythm ha blous, po resyas ha hireth, berrhes dhe R&B dell yw usys.

Yma R&B moy gerysda hedhyw ages an 1940ow, pan dhallathas. Hi a gomprehend 'jump blues', 'doo-wop', 'soul', an twist, Motown, disco, 'funk', rap ha hip-hop. Drefen hy dhe janjya yn feur dres an bledhynnyow, possybyl yw dhe gampolla "rhythm ha blous hengovek" ha "rhythm ha blous kevos". Hi a dhallathas yn Nessa Bresel an Bys pa eth meur a dus du a statys soth an Statys Unys dhe oberi y'n citys meur.

Usys veu an term "Rhythm and Blues" yn kynsa yn 1949 gans Jerry Wexler yn lyver termyn "Billboard". Avel an term a gampoll, rhythm ha blous a dheuth dhyworth an blous, mes hi a's teves pols krev (an brassa rann a ganow R&B a's teves peswar pols y'n barr gans an poslev war an nessa ha peswora pols).

R&B a-varr[golegi | pennfenten]

Y rekordyas Louis Jordan "G. I. Jive" yn 1944, "Caldonia" yn 1945 ha "Choo Choo Ch'Boogie" yn 1946, yn eghen henwys jump blues.

An 1950ow[golegi | pennfenten]

Chuck Berry, "myghtern R&B"

Yn 1949, Fats Domino a rekordyas "The Fat Man" hag yn 1956 versyon a'n gan "Blueberry Hill". Chuck Berry a rekordyas "Maybellene" yn 1955 ha "Roll Over Beethoven" yn 1956. Chuck Berry yw gelwys myghtern R&B.

Unn aral o Little Richard a rekordyas "Tutti Frutti" yn 1955, "Long Tall Sally" ha "Good Golly Miss Molly" yn 1958.

Y'n 1950ow R&B a dhisplegyas dhe 'rock'n'roll' pan wrug kanoryon gwynn kepar ha Bill Haley hag Elvis Presley settya kanow gwlas dhe rhythmow R&B. R&B yw gelwys "rock'n'roll du" treweythyow ha kanoryon kepar ha Fats Domino, Chuck Berry ha Little Richard yw konsidrys yn-mysk ragresoryon rock'n'nroll.

Soul[golegi | pennfenten]

Styr soul yw "enev". Leveris yw kaner ha pianydh Ray Charles dhe dhevisya soul. Ev a dhallathas rekordya yn 1951.

Unn aral a dhallathas y'n keth spys o James Brown a dhisplegyas funk. Hevelep dhe soul yw funk mes an poslev yw war gynsa pols an barr gans rhythm treusakennek.

An 1960ow[golegi | pennfenten]

An Twist[golegi | pennfenten]

Yn 1959 Hank Ballard and the Midnighters a rekordyas "Teardrops on Your Letter". War du aral an blasen o kan henwys "The Twist". Yn 1960 Chubby Checker a rekordyas y versyon y honan a "The Twist", hag ev a dhevisyas dons rag mos gans an gan. Y teuth an dons fest gerysda yn ollvysel. An nessa bledhen Chubby Checker a rekordyas "Let's Twist Again".

Motown[golegi | pennfenten]

Yn 1959 fondys veu kowethyans Motown gans Berry Gordy yn Detroit. Kanoryon moyha gerysda Motown yw Diana Ross, Smokey Robinson, Stevie Wonder ha Michael Jackson.

R&B yn Breten Veur[golegi | pennfenten]

Y'n 1960ow bagasow kepar ha'n Rolling Stones, Manfred Mann ha'n Kinks a wre goslowes orth blasennow koth R&B ha gwari eghen dredanek a R&B.

Tus eral a vri yn R&B[golegi | pennfenten]

Tus erel a vri yn R&B a gomprehend Booker T and the MG's, Sly & The Family Stone, Ike Turner, Tina Turner, Whitney Houston, Destiny's Child (a gomprehendyas Beyoncé), Luther Vandross, Alexandra Burke ha Mary J Blige.

Gold piece.png An erthygel ma yw onan a'n 1,000 erthygel posekka war Wikipedia.