Pyngo


Krug a rew gorherys gen gweres ew pyngo (pingo yn Sowsnek hag yn Kembrek ewedh) kevys en powyow Arktek, isarktek hag Antarktek. Anjei a ell bos mar veur avel 2 km a-dreus gen ughelder a 70m. Styr an hanow ew bre isel e'n taves Inuit. Tirfurv amalrewlyvel ew pyngo.
Onan a'n parthow gen an moyha niver a byngoyow war an Norvys ew Tuktoyaktuk en Delta Mackenzie, Tiredhow an Gledh-West, Kanada. Ema a-dro dhe 1,300 anedha ena. Ema lies anedha en Alaska, Greunland, hag Enys Spitsbergen en Norwy ewedh. Ema remenat a byngoyow kothey'n Iseldiryow, ryb Zwaagwesteinde en pow Fryslân, hag en powyow Drenthe ha Groningen.

Ema ensamplow y'n Wlaskow Unyes ewedh, en arbednek en Norfolk ha Kembra West.
Furvyes ew pyngoyow pan wrelho dowr e'n gweres rewi. Ema'n gweres ow terevel dhe wul bre gen kolon a rew. Pan deudho an rew, gerys ew pans en y le.
Ma an erthygel ma usya an Furv Skrifys Savonek a-barth Kernowek diwedhes.