Poldark

Dhyworth Wikipedya, an godhoniador rydh
Jump to navigation Jump to search

Kevres a romansow istorek Sowsnek gans Winston Graham a veu dyllys a 1945 dhe 1953 ha dhana a 1973 dhe 2002 yw Poldark. An gevres a gomprehend 12 romans: an kensa seyth yw gorrys y'n 18ves kansvledhen, ow korfenna dhe Nadelik 1799; an pymp erel a hwer a-varr y'n 19ves kansvledhen hag y holons bewnansow diyskyonnoryon penn-nasow an romansow derowel. Y skrifas Graham an kensa pajer lyver Poldark dres an 1940ow ha'n 1950ow. Wosa powes hir y tewisis daskemeres an gevres ha dyllo The Black Moon yn 1973.

Ross Poldark, an penn-nas, yw sodhek an Lu Bretennek a dhehwel dh'y dre yn Kernow a Vresel Anserghogeth Amerika dhe drovya y krysas y vowes ambosys Elizabeth Chynoweth y vos marow ha parys dhe dhemedhya y genderow Francis Poldark. Ross a assay dasserghi fortunnyow y honan dre dhasygeri onan a valyow kober forsakyes y deylu. Wosa lies bledhen y temedh ev Demelza Carne, gonisoges voghosek, hag yn lent yth yw gwrys bos unverhes gans kolles kerensa Elizabeth.

An BBC re wrug dew aswiwans: onan a dharlesas yn 1975 ha 1977, hag onan a dhallathas yn 2015.

Romansow[chanjya | pennfenten]

Isditel pub romans yw A Novel of Cornwall (Romans a Gernow).[1] Yn kynsskrif dhe The Black Moon, Graham a dhispleg y dhewis dhe dhasserghi an gevres wosa powes a ugens bledhen.

Holyans Titel Bledhynnyow komprehendyes Kensa dyllans
1 Ross Poldark 1783–1787 1945
2 Demelza 1788–1790 1946[2]
3 Jeremy Poldark 1790–1791 1950[2]
4 Warleggan (Gorlegan) 1792–1793 1953
5 The Black Moon (An Loor Du) 1794–1795 1973
6 The Four Swans (An Peswar Alargh) 1795–1797 1976
7 The Angry Tide (An Mortid Serrys) 1798–1799 1977
8 The Stranger from the Sea (An Estren a'n Mor) 1810–1811 1981
9 The Miller's Dance (Dons an Meliner) 1812–1813 1982
10 The Loving Cup (Hanaf Kerensa) 1813–1815 1984
11 The Twisted Sword (An Kledha Nedhys) 1815-1817 1990
12 Bella Poldark 1818–1820 2002

Pennfentynnyow[chanjya | pennfenten]

  1. enfynnyow http://www.cornwall-calling.co.uk/film-television/poldark.htm
  2. 2.0 2.1 Jack Adrian Obituary: Winston Graham,The Independent, 11 July 2003