Pennseythen Gernewek

An Bennseythen Gernewek yw kuntelles bledhynnyek a Gernewegoryon, ordenys gans Kowethas an Yeth Kernewek. Synsys yw pub gwenton hag y hwer dres tri dydh. Rag kernewegoryon a bub nivel yw. Yma restrys hwarvosow varys; dyskansow rag an re usi ow studhya rag apposyansow Kernewek, keffrys ha taklow rag fleghes hag oberow rag tus freth. Yma ynwedh arethow, hwarvosow sosyel ha didhan kepar hag ilow.

Istori

Synsys veu an kynsa Pennseythen Gernewek dhe Borthia yn 1975, kyn ny veu sodhogel. Wosa henna an Bennseythenyow sodhogel a dhallathas yn 1976, synsys yn Hel Fowydh yn Fowydh. Yn 1977-78 y feu synsys yn Ostel Treloghan yn Porthia. Wosa henna, Ostel Fowydh, arta yn Fowydh, rag 1979-80. Synsys veu Pennseythen Gernewek 1981 yn Porthmen yn Aberfala. Pennseythenyow 1982-86 a veu synsys yn Karworgi yn Sen Kolom.

Yn 1987 ha 1988 y feu synsys yn Henger dhe Vosvena, ha wosa henna yn 1989 ha 1990 yn Lannanta dhe Heyl. 1991 ha 1992 a welas an Bennseythen synsys yn Lannvighal dhe Vosvena. Yn 1993-995 y feu synsys yn Trenkrug dhe Logh, ena yn 98-99 dhe Dreth Keunek y'n Lysardh.

Pennseythen Gernewek 2000 a veu synsys arta yn Aberfala, dres an dre. Yn 2007, y feu an hwarvos yn Park Dy'Golyow Perran Sands dhe Borthperan. A-dhia 2008 re beu synsys dhe Ostel Sandy Lodge yn Tewenblustri. Wosa henna, an Pennseythenyow a vovyas dhe Sen Ostel. Drefen an virus kurungylgh, ny veu synys an Bennseythen Gernewek yn Sen Ostel yn 2020 hag yn 2021 an Bennseythen a veu ostyes warlinen.

Yn 2022 an hwarvos a dhehwelas dhe Sen Ostel, y'n Gresen Artys. Towlennys veu Pennseythen 2024 dhe hwarvos yn Krestir, Poll, mes a-dhistowgh y feu deges ha res o movya an Bennseythen heb gwarnyans. Konsel Kernow a brofyas usya Lys Kernow yn Truru ha hemma a veu usys.

Yma'n erthygel ma owth usya an Furv Skrifys Savonek a-barth Kernowek kres.