Pennfolen/Erthygel dre jons/1

Erthygel diskwedhys: Timor Est

Timor Est yw gwlas yn Asi Soth-Est. Trevesigeth portyngalek o Timor Est a-dhia 1702. Indonesi a wrug fetha an wlas naw dydh wosa y dhiskleryans anserhogeth yn 1975. Yntra 100,000 ha 200,000 a dus a wrug kelli aga bewnans der bad-oberow yn termyn gallos indonesek yn Timor Est.

Indonesi a wrug gasa Timor Est wosa votyans an pobel yn 1999; soudoryon ostralyek an Kenedhlow Unys a wrug surhe kres. Yn 2002, kenedhlow an bys a wrug aswon anserhogeth Timor Est. An kensa penn-menyster, Marí Alkatiri, a asas y soodh yn 2006 wosa termyn a droplansow garow.

Pobel Timor Est a wra sewya an fay katholik. Ynsi a wra kewsel leun a davosow malayek-polynesek poken papouek, mes Tetounek yw devnydhys avel yeth kemmyn a rann vras a'n pobel. An gottha tus a yll kewsel Portyngalek. An dhiw ma yw tavosow savonel an stat. Yonkers a yll kewsel Indonesek ha nepprys Sowsnek.