Oganesson

Elven gymyk synthetek yw oganesson, niver 118 y'n Vosen Beriodek hag onan a'n elvennow treus-fermiom. Y furvell gymyk yw Og. Gwrys veu rag an kynsa prys yn 2002 yn Arbrovji Dubna, Russi. An hanow a enor Yuri Oganessian hag a weresas diskudha nebes elvennow treus-fermiom. Pur ansad yw an elven. Diskudhys veu unn isotop bys omma, oganesson-294, gans hanter-bewnans a 0.69 milieylen.