Nicola Adams
| Nicola Adams | |
|---|---|
 | |
| Genys |
26 Hedra 1982  Leeds |
| Kenedhlogeth |
Ruvaneth Unys |
| Alma mater |
|
| Galwesigeth |
boksuser |
| Ughelder |
165 |
| Poos |
50.8 Kilogram |
| Pewasow |
Esel Odyr an Emperoureth Vretennek, BBC 100 Women, Sodhek Ordyr Emperoureth Vretennek |
| Sportys | |
Nicola Adams OEV (genys 26ves Du, 1982) yw kyns boksuser galwesik Bretennek a wre kesstrivya yntra 2017 ha 2019. Hi a omdennas gans rekord anfethys gans an titel WBO poster kelyon benow yn 2019. Avel bodhesik, hi a dheuth ha bos an kynsa boksuser benow dhe dhos kampyer Olympek wosa gwaynya owr yn Loundres yn 2012 ha'n kynsa kampyer Olympek dewblek wosa hy nessa medalen owr yn Rio yn 2016, diwweyth yn rannans kelyonboos. Yn mis Me 2016 hi o kampyer Olympek, an Bys ha Gwariow Europek poster kelyon ha hi a waynyas an sett dien a gampyoriethow bodhesik kavadow dhedhi: titlys Olympek, an Gemeneth Vretennek ha Gwariow Europek ha kampyoriethow an Bys, Europek hag Unyans Europek.
Genys veu hi yn Leeds, Konteth Evrek West. Hi yw lesbosek heb kevrin ha hi o an kynsa den LKDT heb kevrin dhe waynya medalen owr yn boksusi Olympek. Henwys veu hi den LKDT an moyha awedhyansus yn Breten Veur gans The Independent yn 2012 ha hi a veu synsys yn Powerlist bledhynnyek avel onan a'n dus a hil Afro-Karibek an moyha awedhyansus y'n RU.
Hi a omdennas yn 2019 wosa goli sad dhe vew hy lagas.
Yma'n erthygel ma owth usya an Furv Skrifys Savonek a-barth Kernowek kres.