Rio de Janeiro

Dhyworth Wikipedya, an godhoniador rydh
Jump to navigation Jump to search
Treth Copacabana ha Menydh an Torth Sugra

Rio de Janeiro yw an nessa brassa cita yn Brasil wosa São Paulo. Yma a-dro dhe 5,400,000 a dus ow triga y’n cita, ha 12,300,000 y’n ranndir a-dro dhe’n cita (gorcita Rio de Janeiro). Fondys veu an cita yn 1565 gans Portyngalysi. Ynter 1763 ha 1960 Rio de Janeiro veu penncita Brasil. Y’n cita yma lies pennplas kowethyansow bras ha pennskolyow. Meur yw hanow Rio de Janeiro awos y Wool Enys, ilow kepar ha samba ha bossa nova, ha’n tirnosow. Yn mysk an re ma yw trethow Copacabana hag Ipanema, imach bras Krist an Selwyas a wartha Menydh Corcovado, Menydh an Torth Sugra ha Sportva Maracana. Synsys veu an Gwariow Olympek yn Rio de Janeiro yn 2016 ha pennwari Hanaf an Norvys yn 1950 ha 2014.

Sportva Maracana
Imach Krist an Selwyas