Nader
| Nader europek | |
|---|---|
| |
| Nader europek (Vipera beru) | |
| Klassans bewoniethek | |
| Gwlaskor: | |
| Fylum: | |
| Klass: | |
| Urdh: | |
| Is-urdh: | |
| Teylu: | |
| Kinda: | Vipera Linnaeus, 1758
|
| |
| Gwrandrans an nader | |
Vipera berus, an nader europek ew sarf wenonek gen gwandrans efan dres an brassa radn a Europa north mar bell avel Asi est. An henwyn Sowsnek dhe ev ew viper po adder. Nag era anjei pur beryllus,; nag ew an nader argasus ha na wra bratha marnas nebonan dhe gabma warnedhi dell ew usys. Brathow a ell bos pur dydn, bes nag enei marwel en venowgh.
Kevys ew an nader europek en tirwedhow dyffrans. Essensek ew kompleks a vewvaow rag agwedhow dyffrans a'y omdhegyans. An re ma ew omhowla, debri ha gwavgoska. Res ew dhe'n nader kawas neb le saw rag preydhoryon hag ankresyans gen tus. Hy bewvaow a gomprehend gonyow krey, ledrow breow karnek, rosyow tewesek, prasow, gwedhenegi, lanerghi, keow, tewydnow ha mengleudhyow. Gweythresek enjei e'n jydh.
Anjei a dheber bronoges munys, ydhyn, pedrevanes, ha diwelvednoges, ha terweythyow kevnis, buluk ha hwesker. Pekar ha'n brassa radn a naderow erel, ma an nader europek ow tedhwi oyow. An benynreydhow a dhedhow pub diw po teyr bledhen, ha dinythys ew an teylu diwedhes e'n hav. Tredh tri hag ugens ew myns teyluyow herwydh usadow. Ma an yonkers ow kortos gen an vabm nebes dedhyow.
Ma kowldevesigyon ow tevi dhe hes a 60 dhe 90 cm (24 dhe 35 meusva) ha poster a 50 dhe 180 g (1.8 dhe 6.3 ouns). Hy liw a var, dhort ensamplow gwadnliwek dhe nebes gell tewl. Ma dhe'n brassa radn anodhans patron ygam ogam. Ma merk V po X war an pedn dell ew usys.
Ma deyr isehen. Nag ew peryllys, bes gwithys ew en nebes gwlasow. Anlaghys ew dhe ladha, shyndya po gwertha nadres e'n Ruvaneth Unys en-dadn an Reyth Godhvenwnas ha Powdir 1981,
Lavar gwerin
[golegi | pennfenten]- Mar las ‘vel nader
Ma an erthygel ma usya an Furv Skrifys Savonek a-barth Kernowek diwedhes.