Mosk Umm al-Nasr
| Sort |
mosk  |
|---|---|
| Fondys |
1239 |
| Doronieth | |
| Konteth |
Beit Hanoun, Konna Gasa |
| Gwlas |
Palestin |
| Kesordnogyon |
31.541528°N 34.536151°E |
 | |
| Gis pensernethel |
pennserneth islamek |
Mosk Umm al-Nasr (Arabek مسجد أم النصر) po Mosk Beit Hanoun yw an mosk kottha yn cita Beit Hanoun y'n Konna Gaza, desedhys ogas dhe gres an cita.
Istori
[golegi | pennfenten]Drehevys veu an Mosk Umm al-Nasr 1239 gans an Ayyubidow dhe enora aga sowdoryon a verwis y'n vatel yntredha ha'n Growsgasoryon. An Ayyubidow a waynyas, ytho an hanow Umm al-Nasr ("Mamm Tyghow"). Kovskrif y'n fos a-ugh entrans an mosk a lever sultan (rewlyas) Ayyubid al-Adil II a worhemmynas y dhrehevyans.
Nyns o an vatel enorys unn veur, mes posek o. Istorior ejyptek al-Maqrizi a gampoll dell hwarva an vatel 13ves a vis Du, 1239 ha gorfenna gans trygh ejyptek (Ayyubid). Derivasow an growgasoryon a afydh deklaryans al-Maqrizi dell veu ledhys Henry Cont Bar ha mil a'y dus ha sesys veu 600 avel prisners (an brassa rann anedha a veu ledhys war aga fordh dhe Ejyp).
An 3a a vis Du, 2006, y feu tenna gonow yntra luyow israelyek ha breseloryon palestinek y'n mosk. Distruys veu an mosk ogas yn tien gans tanbellenna israelyek. Y feu 40 a venenes a gerdhas dhe witha an mosk tennys gans an lu israelyek, ha ladha diw. Dampnys veu damach dhe'n mosk gans an Kenedhlow Unys.
Pennserneth
[golegi | pennfenten]An mosk gwreydhyek a gonsistya a unn stevel veur, gans krommdo sempel, drehevys a gerrygi garow. Nyns eus tra vyth a'n mosk gwreydhyek marnas an golovenva soth ha'y tho lemmyn. An hel pysi a worfenn gans stevel dhe'n est tiys gans krommdo. Kovskrif an fondyans yw gravys yn skript nashki a'n Oos Ayyubid.