Mosk Meur Gaza
 | |
| Sort |
mosk  |
|---|---|
| Fondys |
5 century |
| Doronieth | |
| Tyller |
Al-Daraj |
| Konteth |
Gaza |
| Gwlas |
Palestin |
| Arenebedh |
1,800 m² |
| Kesordnogyon |
31.504°N 34.4644°E |
 | |
| Gis pensernethel |
pennserneth islamek, Mamluk architecture, Norman architecture |
| Kryjyans/Hanwans |
Islam |
| Devnydh |
kurkar |
Mosk Meur Gaza (Arabek جامع غزة الكبير, Jāmaʿ Ghazza al-Kabīr), aswonys avel Mosk Meur Omari maga ta, ew an mosk moyha ha kottha e'n Skethen Gaza, desedhys en cita goth Gaza, ryb an varghas owr en Stret Omar Mukhtar.
Istori
[golegi | pennfenten]Gwreydh Fylystyn
[golegi | pennfenten]
Herwydh hwedhel hengovek, ma an mosk ow sevel war dhesedhans tempel Fylystyn derevys rag enora Dagon, duw frothuster. E'n Bibel Samson a dednas an tempel dhe'n dor en lever Breusysi. Woja hedna, y feu derevys tempel rag enora Marnas, duw an glaw ha greun. Herwydh henhwedhel leel, enkledhys ew Samson en-dadn an mosk.
Eglos Vesontin
[golegi | pennfenten]Eglos veur Besontin a veu derevys gen Emperes Aelia Eudocia en 406 OK.
Mosk Moslem a-varr
[golegi | pennfenten]
Gwres veu an eglos Vesontin rag bos mosk e'n 7ves kansvledhen gen pednhembrynkysi Omar ibn al-Khattab y'n Oos Rashidun. Hanow aral dhe'n mosk ew "al-Omari", rag enora Omar ibn al-Khattab neb o caliph (rewlyas) dres trygh Palesteyn gen an Moslemyon. En 985 OK, e'n Oos Abbasid, doronydh arabek, al-Muqaddasi a skrifas dell o an Mosk Meur pur deg. 5ves a vis Kevardhu, 1033, tour an mosk a godhas drefen dorgrys.
Eglos An Growsgasoryon
[golegi | pennfenten]En 1149 an Growsgasoryon a dherevis eglos veur herwydh gorhebmyn Baldwin III a Jerusalem. En 1187 Saladin ha'n Ayyubidow a sesyas Gaza dhort an Growsgasoryon ha distrui an eglos.
Mosk Mamluk
[golegi | pennfenten]E'n 13ves kansvledhen dasderevys veu an mosk, bes en 1260 e feu distruys gen an Mongols. E feu dasderevys arta, bes distruys veu gen dorgrys aral en 1294.
An Mamluks a'y dhasderevis arta erbydn 1340. En 1355 an doronydh arabek a vri, Ibn Battuta, a'y vysytyas ha skrifa y vos 'derevys en ta', ha'y vos 'mosk dy'Gwener teg'.
Oos Ottoman
[golegi | pennfenten]Asteverys an mosk e'n 16ves kansvledhen. Shyndys veu an mosk en feur gen luyow Keffresys en Bresel Gensa an Bes en 1917.
Oos Bretennek
[golegi | pennfenten]En-dadn dyghtyans mer Gaza, Said al-Shawa, astiverys veu an mosk gen an Kussul Moslem Gorughel en 1926-1927.
Woja 1948
[golegi | pennfenten]
En Batel Gaza ytredh skoodhyansow Hamas ha Fatah, ledhys veu imam (pronter) pro-Hamas an mosk, Mohammed al-Rafati, gen gonoryon Fatah 12ves a vis Metheven 2007.
Ma an erthygel ma usya an Furv Skrifys Savonek a-barth Kernowek diwedhes.