Mogdoll

Mogdell war Mount Redoubt en Stat Alaska

Mogdoll en Námafjall, Island

Ow sampla gassys yn mogdoll war Mount Baker en Stat Washington, Statys Unys

Mogdell war enys Vulcano, Sicily

Kowdoll Gusev, Meurth

Toll en kresten an Norvys hag a stif gassys hag ethen en mes ew mogdoll. An ger Sowsnek ragdho ew 'fumarole', dhort an Latin ' fumus ', ow styrya mog. Herwydh usadow, an gassys ew karbon dioxid, sulfur dioxid, hidrojen klorid ha hidrojen sulfid keffrys hag ethen (dowr). Henwys ew mogdoll a stif gassys loskvenus 'solfarata' dhort an ger Italek 'solfo' rag sulfur. Mogdell a hwer pan vo krackys e'n garrek po avel bush heb patron, bes pan vo magma ogas dhe'n enep. Terweythyow anjei a ell durya kansvledhynnyow po gorfedna woja seythednyow po misow mar kwra an magma yeynhe en uskis.

Ema peder mil a vogdell en Park Kenedhlek Yellowstone e'n Statys Unys, ha lies mogdoll en Park Kenedhlek Morne Trois Pitons, Dominika ryb an Boiling Lake. Mogdell a wra godhosow loskvenus. Telleryow en lebma thew kevys an godhosow ma ew

• Kawah Ijen, Indonesi
• San Pedro de Atacama, Chile
• Menydh Tongariro, Mordir Nowydh
• Campo Flegrei, Itali

War blanetys erel

Kryjys ew dhe vos mogdell marow war an planet Meurth, en Kowdoll Gusev, vysytys gans tirer NASA, Spirit.

Ma an erthygel ma usya an Furv Skrifys Savonek a-barth Kernowek diwedhes.