Men Scone

Ensampel a	men
Gwiasva	http://www.edinburghcastle.gov.uk
	Restrennow kelmys war Gemmyn Wikimedia

Men Scone (Albanek - An Lia Fàil; Skots - Stane o Scuin) — aswonnys ynwedh avel Men Tenkys, hag yn Pow Sows avel Men Kurunyans — yw stock a gragen rudh usys rag kansvledhynnyow yn kurunyans myghternedh Alban.

Yn istorek, gwithys veu an men yn Abatti Scone yn Konteth Perth, degys ena gans Myghtern Kenneth I a Alban a Enys Ionac. 841 OK. Wosa y removans gans Myghtern Edward I a Bow Sows yn 1296, usys veu yn kurunyans myghternedh Pow Sows. Y vyns yw 26 meusva X 17 meusva X 11 meusva ha'y boos yw 335 poos. . War unn enep y hwelir krows gravys warnodho, ha kylghow horn war bub penn a weres y waya. Usys veu yn tiwettha yn 1953 yn kurunyans Myghtern Charlys III.

Yn 1996, Governans an Ruvaneth Unys a erviras dehweles an men dhe Alban, pan na veu usys yn kurunyansow. Gwithys yw lemmyn yn Kastell Karedin, le mayth ys gwithys gans Jowals Kurun Alban. Yn Kevardhu 2020, Governans Alban a leveris y fedha an men dasleys dhe Hel Cita Perth.

Removans 1950[golegi | pennfenten]

Dydh Nadelek 1950, bagas a beswar studhyor albanek (Ian Hamilton, Gavin Vernon, Kay Matheson, hag Alan Stuart) a removas an men a Abatti Sen Stefan rag y dhehweles dhe Alban. Hag i ow remova an men, an men a dorras yn dhew dharn. i a ynkleudhyas an brassa rann a'n men yn park yn Konteth Kent, le mayth esens ow kampya. Wosa niver a dhedhyow, i a gemeras an men ynkleudhys ha dehweles dhe Alban gans koweth aral, John Josselyn. Wosa termyn kott, darnow an men a veu res dhe boliteger yn Glasgow. Ev a restras dhe vason men a Glasgow, Robert Grey, y ewnhe yn halwesik.

An Governans Bretennek a hwilas rag an men, heb seweni. Gesys veu an men war alter Abatti Arbroath 11 Ebrel 1951. Dehwelys veu an men dhe Sen Stefan gans an kreslu.