Lien gwerin

Dhyworth Wikipedya, an godhoniador rydh
Jump to navigation Jump to search
Hwedhlow a'n dus vyghan, kepar ha Huk Vyghan Rudh, yw furv a lien gwerin.

Lien gwerin yw an somm diskwedhek a wonisogeth kevrennys gans unn bagas a dus ha'n hengovyow kemmyn dhe'n wonisogeth po iswonisogeth ma. Yn dhespit dhe'n ger 'lien', nyns ywa saw taklow skrifys po art ughel. Yssynsys yw hengovyow war anow kepar ha hwedhlow, poyntys a skiens ha gesyow, keffrys hag ilow, dons, henhwedhlow, gwariow fleghes, kryjyansow kemmyn, usadow ha moy yn tus komparek.

Y syns ynno gonisogeth pythek, a isyow drehevel hengovek dhe wariellow kemmyn dhe'n bagas. Ynwedh y syns ynno gonisogeth usadow kepar ha gwriansow gwrys rag kryjyansow an werin, an furvow ha devosow a solempnyansow kepar ha Nadelik ha demedhyansow, donsyow gwerin kepar ha'n troyll ha devosow urdhya. Pub onan a'n re ma, po yn unnik po war-barth, yw gwelys avel pyth lien gwerin.

Wosa aswon pythow lien gwerin, an studhyer a lien gwerin a assay konvedhes an usadow, kryjyansow po pythow rag an bagas, awos na via an taklow gonisogethel ystynnys marnas yth esa dhedha perthynekter a bes y'n bagas. Styr a pyth lien gwerin a yll chanjya, rag ensampel: nyns yw solempnyans Nos Kalan Gwav a'n 21a kansvledhen an keth ha Nos Kalan Gwav an Osow Kres. Hengov yw fara kofhes; wosa ev dhe gelli y borpos hewul, nyns eus acheson rag y dhanvon pella marnas y vos res styr dres kynsa us an gwrians.

Ny yllir kavos lien gwerin dre gors dyski formel yn skol po dre studhya an artys fin. Yn le a henna, an hengovyow ma yw ystynnys yn anfurvel a unigyn dh'y gila po dre gows po der y diskwedhes.

Yma'n erthygel ma owth usya an Furv Skrifys Savonek a-barth Kernowek kres.

Gold piece.png An erthygel-ma ew onen a'n 100 erthygel moyha posek war Wikipedya.