Lesbenigys an dowr
| Lesbenigys an dowr | |
|---|---|
 | |
| Lesbenigys an dowr (Geum rivale) | |
| Klassans bewoniethek | |
| Gwlaskor: | |
| (anrenkys): | |
| (anrenkys): | Eudicots |
| (anrenkys): | Rosids |
| Urdh: | Ericales |
| Teylu: | |
| Kinda: | Geum |
| Hanow dewhenwek | |
| Geum rivale Linneaus | |
Geum rivale, lesbenigys an dowr, yw plans bleujennek y'n kinda Geum y'n teylu Rosaceae. Teythyek yw dhe ranndiryow temprek Europa, Asi kres ha rannow a Amerika Gledh. Ev a hwer yn ogas dhe bub rann a'n Enesow Bretennek. Aswonnys yw yn Sowsnek avel water avens, po purple avens yn Amerika. Ev a dyv yn keunegennow ha prasow leyth, owth askorra bleujennow rudh a-dhia mis Me bys dhe Gwynngala.
Bewva
[golegi | pennfenten]Bleujen pubvledhynnyek yw war weresow glep po lent aga disegha. Ev a yll godhevel studhyow nebes trenk dhe galghek yn golok an howl po rannskeusek. Bewvaow a gomprehend glannow goverow, emlow pollow, gwedhegi kolldhel leyth ha prasow gora.
Rann yw a beurvaow gwels an gonyow ha bronn, bewva Towl Gweythres Bewliesekter y'n Ruwvaneth Unys. Kevys yw yn pub rann a'n R.U. a-der Pow Sows soth-est, Enesow Heledh yn Alban ha rannow an Kresbarth ha powyow west.
Ekologieth
[golegi | pennfenten]Ponegys yw Geum rivale gans gwenen dre vras, le menowgh gans kelyon ha hwiles. Orth adhvesyans an bleujen, an stamenow a hirha, ow surhe ev dhe ombonegi mar nag yw treusbonegys seulabrys. An has yw hevelep dhe bennow brosek les serghek, ha lesys yns i po wosa bos dalghennys war vilvlew konines hag enevales byghan erel, po gans tevyans gwreydhkyfyon.
Arvilys yw lesbenigys an dowr gans Podosphaera aphanis, eghen a losni (mildew) ponnek.
Bleujennow lesbenigys an dowr
Bonni yn koswik
Golok ogas a'n bleujennow
An frooth
