Leon Trotsky
| Leon Trotsky | |
|---|---|
 | |
| Genys |
Лейб Давидович Бронштейн  26 Hedra 1879 (in Julian calendar) Bereslavka |
| Mernans |
21 Est 1940 |
| Kenedhlogeth |
 Russi |
| Galwesigeth |
politeger, skrifer |
| Sinans | |
Leon Davidovich Trotsky (
Leveryans; 7 Du 1879 en Kropyvnytskyi (lebmyn Ukrayn) – 21 Est), 1940 en Coyoacán, Meksiko) o hanow poblek Leib po Lev Davidovich Bronstein. Domhweler ha tybiethor russek o. Y lidnyeth o Ebrow-Ukraynek.[1] Woja bos hembrenkyas an Lu Rudh en Bresel Vredereth Russek, ev a argyas ort Bolshevygyon erel, hag res o dhe ev diberth Russi.
Socyalydh ha Marksydh o Trotsky. En 1905 thera domhwelans en Russi (Domhwelans Russek Kensa). Trotsky a weresas restra bagas a oberoryon en Sen Pederburg, henwys Sovyet. Pan veu dhalghednys hembrenkyas an Sovyet, Trotsky a dheuth hembrenkyas en y le. Trotsky a weresas displegya tybyans ‘Domhwelans Fast’, devisys gen Karl Marx.
Woja an domhwelans, Trotsky a aras Russi rag y sawder y honan. Ev a dhehwelas en 1917 awos an Sekond Domhwelans Russek (Domhwelans Hedra). Kemynegoreth a spedyas gen y weres, hag avel hembrenkyas an Lu Rudh, ev a weresas y dhefendya. Bettegyns, woja mernans Vladimir Lenin, hembrenkyas an Parti Bolshevyk, omvyskys veu Trotsky en strif nerth gen Joseph Stalin rag soodh an hembrenkyas. Ev a gollas, hag res o dhe ev fia dhe’n fo. Stalin a ordenas onan a’y aspyoryon (Spaynyer, Ramón Mercarder) dhe ladha Trotsky gen pigell rew en Meksiko en 1940.
Henwys ew pobel neb a gryj tybyansow Trotsky avel Trotskyysi. Anjei a sew Trotskyeth. An chif kowethyans Trotskyek hedhyw en Breten Veur ew an Parti Oberoryon Socyalydhek.
E’n novel Animal Farm gen George Orwell, representys ew Trotsky gen Snowball an hogh ha Stalin gen Napoleon, hogh aral.
Dustuni
[golegi | pennfenten]Ma an erthygel ma usya an Furv Skrifys Savonek a-barth Kernowek diwedhes.