Marksydhieth

Dhyworth Wikipedya, an godhoniador rydh
Jump to navigation Jump to search
Mao Zedong: ev a amendyas Markysdhieth drefen fowt an werin dhiwysyansel yn China

Marksydhieth yw hanow sett a dybyansow politek hag erbysek. An tybyansow kres yw bos an bys rynnys dhe renkasow, an oberoryon hag an jatelydhyon ryccha neb a wra drogweytha an oberoryon; bos strif renkas gans siwyans war an diwedh a sosyalieth (may perghenn an oberoryon an maynys askorrans,) hag ena kemmynegoreth (kowethas distat ha direnkas.)

Y teuth an tybyansow na diworth an ober Karl Marx ha Friedrich Engels. Re awedhsons i lies kenedhel. Yth awedhyas Marksydhieth lies tybyans politek arall, kepar ha gwerinieth sosyel, ha sosyalieth dhasfurvek. Y krys an dhew bos drehedhadow an tybyansow Marx hag Engels der an pyth a henwis Marx "gwerinieth vurjesek".

Disakordys yw lies yn-kever fatell dalvia bos restrys kowethas Marksydhiek: "nyns yw unnver erbysydhyon bolitek Marksydh yn-kever an styr chatelydhieth, sosyalieth ha kemmynegoreth. Yth yw mar selyek an dihevelepterow hag yth yw an dadhlow yn-mysk... erbysydhyon bolitek Marksydh mar grev avel aga gorthter orth... chatelydhieth."