Kowrdhowrgi an avon
| Kowrdhowrgi an avon | |
|---|---|
.jpg)
| |
| Kowrdhowrgi an avon | |
| Klassans bewoniethek | |
| Gwlaskor: | |
| Fylum: | |
| Klass: | |
| Urdh: | |
| Teylu: | |
| Isteylu: | |
| Kinda: | Pteronura Gmelin 1788
|
| |
| Gwrandrans kowrdhowrgi an avon | |
Pteronura brasiliensis, an kowrdhowrgi po kowrdhowrgi an ryver (Sowsnek: Giant river otter), ew ehen a dhowrgi kevys en Amerika Dhyhow. Ev ew an esel hirra a'n teylu Mustelidae, po lovennanes. Y hes a ell drehedhes 1.7 meter (5.6 troshes). Dihaval ort erel e'n teylu, an kowrdhowrgi ew eneval kowethasek, ow pewa en teyluyow a drei dhe eth esel. Kres an teylu ew kopel gwarthevyek a wra parya. Fest kesoberus enjei. Hebask dell ew usys, an ehen ew tiredhek hag e feu argas gwelys terweythyow erbydn teyluyow erel. An kowrdhowrgi ew gweythresek e'n jydh en udnik. Ev ew an ehen drosekka a dhowrgeun gen sonyow a styr godros, argas ha konfort. Gell po gellrudh ew y liw, herwydh usadow.
Y wandrans ew efan a-dreus parth north Amerika Dhyhow. Dre vras ev ew trigys a-hes Dowr Amazon hag e'n Pantanal. Degvledhydnyow a helghya rag y grohen (en arbednek e'n 1950ow ha 1960ow) a styr bos y efander le ages agynsow. Peryllys ew an ehen a-lebmyn, hag estemyes ew bos an poblans le ages 5,000.
Fest gwiw ew an kowrdhowrgi rag bewa e'n dowr. Y vlew ew tew, y lost krev ha'y dreys troswiek. Gwell ew gen an ehen ma ryvers ha goverow dowr fresk. Ev a dheber saw puskes dell ew usys, en arbednek characins ha kathesti (catfish), bes ev a ell debri kankres, morgrobanes, serf ha kaimanes bian (ehen a grokodil). Den ew an udnik preydhyer ganjo.
An venynreydh a wra parya dres an vledhen, ha hes degyans ew 65-70 dedh, ow tinythi tredh onan ha pymp a yonkers (dew ew an niver kresek). An gorreydh a weres gwitha an yonkers. An yonkers a dhiberth an teylu woja diw po teyr bledhen. Hes bownans ew bys dhe eth bledhen e'n gwels, bys dhe 17 bledhen en milva.
-
Pedn an kowrdhowrgi -
Kowrdhowrgi hag omdhegyans ‘periskop’ -
Krogen bedn a’n denewen, ow tiskwedhes an tron berr ha’n grib sethek meur (dustuni a vrath krev) -
Kowrdhowrgeun en milva Philadelphia, enevales kowethasek enjei -
Kowrdhowrgi en Veneswela -
Eghen a bysk characin, an piranha
Ma an erthygel ma usya an Furv Skrifys Savonek a-barth Kernowek diwedhes.