Koktel

Gis Koth yw onan a’n koktels sodhogel an IBA y’n klass "na yllir aga ankevi".

Koktel yw diwes kemyskys a syns alkohol, poken avel kemmysk a lasow po gans sugennow frooth po dehen. Devisys veu an koktels kynsa a-dro dhe 1803. Yn 1863 dyllys veu lyver gans Jerry Thomas a gomprehendyas deg a resaytyow koktel. Fest gerys-da ens i y'n oos Difen y'n Statys Unys (1920-1933) drefen i bos essa dh'aga havos es korev po gwin. Pur gemmyn yw koktels yn bostiow ha tavernyow erbynn lemmyn.

Koktel sodhogel an IBA yw onan a’n lies koktel dewisys gan an International Bartenders Association (IBA) po Kowethas Keswlasek Tavernoryon hag usys y’n Kesstrif Koktel an Bys pub bledhen.

Koktels an IBA a wra devnydh a centilitrow (cl). 3 cl yw ogas dhe 1 ouns devrek S.U. (1.4% moy). 0.5 cl yw ogas dhe unn lo de.

Rol a goktels sodhogel an IBA

Rynnys yw koktels an IBS dhe dri klass:

An re na yllir aga ankevi

Hanow	Hanow yn Sowsnek	Skeusen	Resayt
Alsander	Alexander		Gwrys a cognac, likour koko (Crème de cacao), ha dehen.
Amerikano	Americano		Gwrys a Campari, vermouth hweg, ha rag an versyon pik-pik, dowr pik-pik (club soda) afinys gans lownyans lymmaval.|
Enep El	Angel Face		Gwrys a jynevra, brandi brykedh ha Calvados yn mynsow kehaval.
Ayrennans	Aviation		Gwrys a jynevra, likour keres, crème de violette, ha sugen lymmaval.
Ynter an Lienyow	Between the Sheets		Gwrys a romm gwynn po romm skav aral, cognac, triple sec, ha sugen lymmaval
Payon	Boulevardier		Gwrys a hwiski iwerdhonek, vermouth hweg, ha Campari.
Brandi Krusta	Brandy Crusta		Gwrys a vrandi, Maraschino Luxardo, likour curaçao, sugen lymmaval fresk, syrop sugra, hag Angostura bitters.
Kasino	Casino		Gwrys a jynevra, likour keres, bitters owraval ha sugen lymmaval fresk.
Klub Mellyon	Clover Club		Gwrys a jynevra, sugen lymmaval fresk, syrop avan ha gwynn oy.
Daykiri	Daiquiri		Gwrys a romm, sugen citrus (limaval dell yw usys), ha sugra
Martini Segh	Dry Martini		Gwrys a jynevra ha vermouth, hag afinys gans oliven po nedhans lymmaval.
Jynevra Pik-pik	Gin Fizz		Gwrys a jynevra, sugen lymmaval ha sugra, shackys gans rew, diverys yn gwedren gans dowr pik-pik war y benn.
Faryng	Hanky Panky		Gwrys a jynevra, vermouth hweg, ha Fernet-Branca.
Jowan Collins	John Collins		Collins yw eghen a goktel, hemm yw, diwes hir treloubys gans rew ha dowr pik-pik war y benn, gwrys a jynevra segh Loundres po hwiski Bourbon, sugen lymmaval, sugra ha dowr pik-pik
An Ger Diwettha	Last Word		Gwrys a vynsow kehaval a jynevra, Chartreuse gwyrdh, likour keres ha sugen limaval fresk kemyskys yn shackyer koktel gans rew. Wosa shackya, diverys yw an kemysk dre rider y’n gweder.
Manhattan	Manhattan		Gwrys a hwiski, vermouth hweg ha bitters.
Martinez	Martinez		Ragresor dhe’n martini, gwrys a jynevra, vermouth hweg, likour keres ha bitters.
Marya Pickford	Mary Pickford		Gwrys a romm gwynn, sugen pinaval fresk, grenadine ha likour keres, servys wosa shackya ha yeynhe
Gwagren Sim	Monkey Gland		Gwrys a jynevra, sugen owraval, grenadine hag absinthe. Devisys y’n 1920ow gans Harry Mac Elhone yn Evrek Nowydh,
Negroni	Negroni		Koktel italek gwrys a unn rann a jynevra, unn rann a vermouth rudh (hanter-hweg) hag unn rann Campari, afinys gans rusken owraval.
Gis koth	Old Fashioned		Gwrys orth gemyska sugra ha bitters, keworra hwiski (treweythyow brandi) hag afinys gans rusken owraval ha keresen maraschino.
Paradhis	Paradise		Gwrys a jynevra, brandi brykedh ha sugen owraval yn komparriv 2:1:1 gans lagyans a sugen lymmaval.
Panch Planser	Planter’s Punch		Gwrys a romm Jamayka, sugen limaval fresk ha sugen sugra.
Medh Oy Porto	Porto Flip		Gwrys a vrandi, port rudh ha melyn oy, ha kampollys y’n kynsa prys yn 1862.
Ramos Pik-pik	Ramos Fizz		Gwrys a jynevra, sugen lymmaval, sugen limaval, gwynn oy, sugra, dehen, dowr bleujen owraval ha dowr pik-pik. Servys yw yn gwedren Collins meur. An hanow a dheu dhyworth Henry C. Ramos, a dhevisas an koktel yn New Orleans yn 1888.
Kenter Gossenek	Rusty Nail		Kemmysk a Drambuie ha hwiski albannek
Sazerac	Sazerac		Koktel a-varr dhyworth Orleans Nowydh (an hanow a dheu dhyworth merk a vrandi a’n cita), gwrys a cognac po hwiski, absinthe, bitters ha sugra.
Karr Tu	Sidecar		Gwrys a vrandi (cognac), likour owraval (Cointreau, Curaçao po Grand Marnier), ha sugen lymmaval.
Gwaner	Stinger		Devisys yn 1890 ha gwrys a vrandi ha crème de menthe (yn komparriv 5:2)
Tuksedo	Tuxedo		An hanow a dheu dhyworth an keth klub powdir a res y hanow dhe’n jerkyn. Gwrys a jynevra, vermouth segh, bitters hag absinthe, afinys gans keresen.
Pedrek koth	Vieux Carré		Gwrys a hwiski sugal, cognac, vermouth hweg, Bénédictine ha bitters.
Hwiski Hwerow	Whiskey Sour		Gwrys a hwiski, yn fenowgh bourbon, sugen lymmaval, sugra, ha dre dhewis, lagyans a wynn oy.
Benen Wynn	White Lady		Karr tu gans jynevra yn le brandi, ha sugra yn le triple sec, ha sugen lymmaval.

An re klassek kevos

Hanow	Hanow yn Sowsnek	Skeusen	Resayt
Bellini	Bellini		Devisys rag an kynsa prys yn 1934 gans Giuseppe Cipriani yn Harry’s Bar, Venis, henwys Bellini drefen bos liw an diwes hevelep dhe liw toga yn limnans gans Giovanni Bellini. Gwrys yw an koktel a Prosecco ha sugen aval gwlanek.
Russek Du	Black Russian		Kemmysk yw Russek Du a vodka ha likour koffi, devisys yn 1949 gans Gustave Tops yn Ostel Metropole, Brussel.
Marya Wosek	Bloody Mary		Devisys gans Fernande Petiot y’n New York Bar yn Paris yn 1921. An chif devnydhyow yw vodka ha sugen aval kerensa, mes y hyllir keworra saworyow kepar ha saws Worcestershire, kennin, kegis hweg, marghredik, holan ha puber.
Trevesik	Caipirinha		Koktel kenedhlek Brasil, gwrys a cachaça (las kors sugra) sugen limaval ha sugra. An ger caipirinha a styr nebonan dhyworth an powdir, hevelep dhe’n Sowsnek hillbilly.
Koktel Champagne	Champagne Cocktail		Gwrys a Champagne, brandi, sugra, Angostura bitters hag afinys gans keresen Maraschino.
Dassergher Korf #2	Corpse Reviver #2		Gwrys a jynevra, Cointreau, Lillet Blanc, absinthe ha sugen lymmaval.
Norvurjesek	Cosmopolitan		Gwrys a vodka, triple sec, sugen koll garan ha sugen limaval fresk. Y teuth gerys-da wosa an dowlen bellwolok amerikanek Sex and the City.
Kuba Rydh	Cuba Libre		Gwrys a romm, kola ha traweythyow sugen limaval.
Frynkek 75	French 75		Koktel aral devisys gans Harry MacElhone y’n New York Bar yn Paris yn 1915. Y effeyth o hevelep dhe dardhen gonn 75mm. Gwrys a jynevra, Champagne, sugen lymmaval ha sugra. An Frynkek 75 a dhiskwedh y’n fylm Casablanca.
Mell Frynkek	French Connection		Gwrys a vynsow haval cognac ha likour Amaretto. An hanow a dheu dhyworth an fylm The French Connection.
Hunros Owrek	Golden Dream		Gwrys a Galliano ha Cointreau. Klassys yw avel diwes wosa kinnyow. Devisys veu gans Raimundo Alvarez yn Miami y’n 1960ow dhe enora an gwarier gerys-da Joan Crawford.
Kulyek reden	Grasshopper		Gwrys a vynsow kehaval crème de menthe gwyrdh, crème de cacao gwynn, ha dehen, shackys gans rew ha sidhlys yn gwedren martini. Devisys veu gans Philip Guichet yn Orleans Nowydh yn 1918.
Hemingway Arbennik	Hemingway Special		Gwrys a romm, sugen limaval, likour keres ha sugen aval paradhis. An awtour, Ernest Hemingway, a gampollas an resayt wosa ev dhe assaya daykiri Klub Floridita yn La Habana, Kuba.
Konna Margh	Horse’s Neck		Gwrys a vrandi (treweythyow hwiski bourbon) ha korev jynjer, gans troyll hir a rusken lymmaval.
Koffi Iwerdhonek	Irish Coffee		Gwrys a goffi tomm, hwiski iwerdhonek ha sugra, ha treloubys gans dehen. Koktels hevelep veu servys y’n 19ves kansvledhen yn Almayn ha Wien.
Kir	Kir		Musur a crème de cassis (likour koryns du), ha gwin gwynn war y benn. An hanow a enor Félix Kir, mer cita Dijon, Pow Frynk. Yma lies varyans hag a us likour avan, mor du po avalow gwlanek ynwedh.
Te Rew Enys Hir	Long Island Iced Tea		Gwrys a vynsow haval a jynevra, vodka, tequila, romm gwynn, triple sec ha kola.
Mai Tai	Mai Tai		Devisys gans Victor J Bergeron, Tavernor Trader Vic’s yn Oakland, Kaliforni yn 1944. A hanow a dheu dhyworth yeth Enys Tahiti y’n Keynvor Hebask, ow styrya 'da'. Gwrys yw a romm, likour Curaçao (sawor owraval), melysugen orgeat ha sugen limaval.
Kaja	Margarita		Gwrys a tequila, likour owraval ha sugen limaval, gans poltrans a holan a-dro dhe’n wedren. An diwes a dheuth dhyworth Meksiko, ha gerys-da o dhe Amerikanyon war dhy’golyow y’n oos Difen. Styr an hanow Margarita yn Spaynek yw kaja.
Mimosa	Mimosa		Gwrys a champagne ha sugen owraval, ha gerys-da yn demedhyansow.
Julep Menta	Mint Julep		Gwrys a hwiski bourbon, rew skatt ha menta fresk skatt. An fordh hengovek dh’aga servya o yn hanaf arghans.
Mojito	Mojito		Gwrys a romm gwynn, melysugen kors sugra, sugen limaval, dowr pik-pik ha menta. Nyns eus akordyans a-dro dhe styr an hanow spaynek. Arhwithrans yn 2016 a gavas bos mojito an koktel moyha gerys-da yn an Ruvaneth Unys ha Pow Frynk.
Mul Moskva	Moscow Mule		Gwrys a vodka, korev jynjer ha sugen limaval, afinys gans genn a limaval. Servys yw dell yw usys yn kruskyn kober.
Pinaval sidhlys	Piña colada		Gwrys a romm gwynn, leth know koko ha sugen pinaval, shackys gans rew. An koktel ma a dheuth a Puerto Rico.
Pisko Hwerow	Pisco Sour		Gwrys a’n las a Berou, hemm yw, pisko, sugen limaval, melysugen sugra, rew, gwynn oy hag Angostura bitters.
Awel Glor an Mor	Sea Breeze		Gwrys a vodka, sugen goll garan ha sugen aval paradhis.
Kyjyans war an Treth	Sex on the Beach		Gwrys a vodka, dowr tomm aval gwlanek, sugen owraval ha sugen goll garan.
Lonk Singapour	Singapore Sling		Devisys a-dro dhe 1915 gans Ngiam Tong Boon yn Ostel Raffles, Singapour. Y hanow kynsa o Gin Sling. Gwrys yw a jynevra, brandi keres, Cointreau, Bénédictine, sugen pinaval, sugen limaval hag Angostura bitters.
Howldrevel Tequila	Tequila Sunrise		Gwrys a tequila, sugen owraval ha grenadine. Tequila Sunrise o hanow kan gans bagas rokk The Eagles, ha hanow fylm a 1988 gans Michelle Pfeiffer ha Mel Gibson ynwedh.
Vesper	Vesper	Restren:Gordon's Vesper.jpeg	Gwrys a jynevra, vodka ha Kina Lillet (eghen a vermouth). Devisys veu an koktel ma gans James Bond y’n lyver Casino Royale skrifys gans Ian Fleming, ha henwys rag y gares, Vesper Lynd.
Zombi	Zombie		Gwrys a sugennow frooth, likouryow ha divers eghen a romm. Devisys veu yn 1934 gans Donn Beach yn y davern Don the Beachcomber yn Hollywood, Kaliforni.

Diwosow Oos Nowydh

Hanow	Hanow yn Sowsnek	Skeusen	Resayt
Barakuda	Barracuda		Gwrya a romm, Galliano, sugen pinaval, sugen limaval ha lagyans a Prosecco.
An Gwella	Bee’s Knees		Devisys gans Frank Meier yn 1921, chyf taverner y’n Ostel Ritz yn Paris. An hanow a dheuth dhyworth isyeth an oos Difen, ow styrya an gwella. Gwrys yw a jynevra, sugen lymmaval fresk ha mel.
Dreysen	Bramble		Devisys gans Dick Bradsell yn Loundres yn 1984. Gwrys yw a jynevra, sugen lymmaval, melysugen sugra, crème de mûre (likour mor du) ha rew skatt.
Canchanchara	Canchanchara		Gwrys a romm Kuba, mel ha sugen limaval fresk.
Tewl ha Hager	Dark’n’Stormy		Gwrys a romm Goslings ha korev jynjer dres rew hag afinys gans tregh a limaval.
Martini Koffi	Espresso Martini		Devisys veu gans Dick Bradsell yn Fred’s Club yn Loundres y’n 1980ow. Nyns usi hemm diwes martini yn tevri drefen bos fowt a jynevra ha vermouth ynno. Gwrys yw a vodka, koffi espresso, likour koffi ha melysugen sugra.
Fernandito	Fernadito		Diwes hir a Arghantina yw an Fernandito (henwys Fernando po Fernet ha Kola maga ta) hag a gonsyst a’n likour losowek Fernet (hevelep dhe Amaro dhyworth Itali), ha kola, dres rew. Y teuth gerys-da yn trev Córdoba y’n 1980ow. Hemm yw an kynsa koktel a Arghantina yn rol an IBA (keworrys yn 2020).
Martini Frynkek	French Martini		Devisys y’n 1980ow yn onan a davernow Keith McNally yn Evrek Nowydh, ev a gonsyst a vodka, likour Chambord (sawor avan) ha sugen pinaval
Anlaghel	Illegal		Gwrys a meszcal (las a Veksiko gwrys a’n losowen gansvledhen po agave), romm gwynn krev a Jamayka, Falernum (eghen a velysugen a’n Karibi gans saworyow jynjer, limaval, alamand ha kentrik spis) ha sugen limaval.
Martini Banna Lymmaval	Lemon Drop Martini		Devisys veu yn San Francisco y’n 1970ow gans Norman Jay Hobday. Gwrys yw a vodka citrus, triple sec ha sugen lymmaval.
Noth hag a Vri	Naked and Famous		Gwrys a meszcal, Chartreuse melyn, Aperol (likour bitters a Itali) ha sugen limaval, yn mynsow haval.
Evrek Nowydh Hwerow	New York Sour		Hevelep yw dhe’n Hwiski Hwerow, mes an Evrek Nowydh Hwerow a wra keworra gwin rudh dhe’n hwiski, melysugen ha sugen lymmaval.
Kuban Koth	Old Cuban		Devisys yn 2001 gans Audrey Saunders. Ev a gonsyst a romm, sugen limaval, melysugen, Angostura bitters, delyow menta ha Champagne.
Kolom	Paloma		Gwrys a tequila, sugen limaval ha diwes pik-pik blas aval paradhis kepar ha Lilt.
Jynn Ebron Paper	Paper Plane		Kemmysk a vynsow haval a hwiski bourbon, Aperol, Amaro Nonino (likour losowek) ha sugen lymmaval.
Penicillin	Penicillin		Devisys veu gans Sam Ross yn Evrek Nowydh yn 2005. Gwrys yw a hwiski albannek kemyskys, lagyans a hwiski brag Lagavulin, sugen lymmaval, melysugen mel ha treghow jynjyber fresk.
Panch Russek an Gwenton	Russian Spring Punch		Gwrys a vodka, Crème de cassis, melysugen ha sugen lymmaval. Devisys gans Dick Bradsell yn Loundres y’n 1980ow. Henwys yw drefen ev dhe gomprehendya vodka (russek) ha devnydhyow diwes Collins (diwes an gwenton).
Dyghowbarth	Southside		Gwrys a jynevra, sugen limaval, melysugen ha menta. Leverys yw dell veu diwes drudh Al Capone, y bara a driga yn dyghowbarth Chicago.
Hanter kans Spisek	Spicy Fifty		Gwrys a vodka, kordial bleujyow skaw, melysugen mel, chili ha sugen lymmaval fresk. Devisys veu yn 2005 gans Salvatore Calabrese yn Loundres.
Lagyans Venis	Spritz Veneziano		Gwrys a Prosecco, Aperol ha dowr pik-pik. Henwys yw avel Aperol Spritz ynwedh yn Sowsnek.
Bastard Ow Kodhav	Suffering Bastard		Gwrys a jynevra, brandi, sugen limaval, Angostura bitters ha lagyans a gorev jynjer. Gwrys veu y’n kynsa prys yn Ejyp yn 1942 rag soudoryon yn Ostel Shepheards gans an taverner Joe Scialom.
Tiobraid Árann	Tipperary		Gwrys a hwiski iwerdhonek, vermouth rudh hweg, Chartreuse gwyrdh ha Angostura bitters.
Kaja Tomas	Tommy’s Margarita		Devisys yn San Francisco yn 1990 gans Julio Bermejo yn bosti y gerens, Tommy’s. Gwrys yw a tequila, sugen limaval ha melysugen losowen gansvledhen (agave).
Trynses Hwerow	Trinidad Sour		Gwrys a hwiski sugal, melysugen orgeat, sugen lymmaval hag Angostura bitters.
Ve.n.to	Ve.n.to		Gwrys a grappa (las grappys), sugen lymmaval, kemmysk mel ha kordial kamil.
Edhen velyn	Yellow Bird		Gwrys a romm gwynn, Galliano, triple sec ha sugen limaval.