Pisko hwerow

Ensampel a	IBA official cocktail
Klass	Koktel, sour
Gwlas	Peru
Restrennow kelmys war Gemmyn Wikimedia

Pisko hwerow ew diwes kemmyskys (po koktel) dhort Perou, pur gebmyn avel radn a cuisine Perou ha Chile. Hanow an diwes a dheu dhort 'pisko', an las selyek, ha’n term koktel 'hwerow', mencyon a sugen citrus ha hwekheans. Ema an versyon a Berou ow komprehendya pisko perouvek, sugen limaval, melysugen, rew, gwydn oy hag Angosturas bitters. Haval ew an versyon a Chile, bes an pisko a dheu a Chile ha na wra anjei devnydh a’n gwydn oy ha bitters. An las selyek, pisko, ew ehen a aguardiente po dowr tobm frynkek gwres dhort grappys. Y hanow a dheu dhort porth Pisco en Perou, ha usys veu nans ew mar bell ages 1764.

Devisys veu an koktel en 1922 en Lima gen an tavernor amerikanek Victor Vaughen Morris. Ev a argebmydnas an koktel nowydh en paperyow nowydh Perou ha Chile, hag en skon y teuth gerys-da. Ema Perou ow solempnya dy’gol poblek pub bledhen dydh Sadorn kensa mis Hwevrel ragdho. Gerys-da ew ev erbydn lebmyn dres an Bes. Dyghtys ew en gwedrednow old fashioned, hag apoyntys veu avel koktel klassek kevos gen an IBA (Kowethas Keswlasek Tavernoryon).

En 2017 pan leveris kesweler dhe savla radyo en Chile ort kaner bretennek Ed Sheeran dell longya pisko hwerow dhe Chile en tien, Sheeran a worthebis bos gwell dhodho an versyon a Berou.

Victor Vaughen Morris, deviser an pisko hwerow

Argebmydnans rag Morris’ Bar yn 1924

• 
  Imach dhe enora Morris en Lima
• 
  Ostel Bolivar en Lima, onan a’n telleryow kensa dhe wertha pisko hwerow
• 
  Ema lewydh Arghantina Cristina Fernández ha lewydh Perou Alan García owth eva yeghes gen pisko hwerow en Palys an Governans Perou en 2010
• 
  Skeusen a’n ayr – trev Pisco en Perou woja dorgrys meur en 2006
• 
  Botellow pisko dhort Chile

Ma an erthygel ma usya an Furv Skrifys Savonek a-barth Kernowek diwedhes.