Keffrysyans a Gowethasow Kernow Goth

Leveryans: Keffrysans a Gowethasow Kernow Goth

Furvys veu an Keffrysyans a Gowethasow Kernow Goth yn 1924, herwydh tybyans Robert Morton Nance, gans an amkan a guntelles ha mentena "an taklow koth a wra an spyrys a Gernow — hy hengovyow, hy geryow ha maneryow koth, ha pyth yw gesys a'y yeth ha kenedhlogeth keltek." Lavar koth an keffrysyans -- dell yw skrifys war aga gwiasva - yw "Cuntelleugh an brewyon ues gesys na vo kellys travyth", po yn Sowsnek "Gather ye the fragments that are left, that nothing be lost". An lavar koth yn logo an keffrysyans yw "Nyns yu marow Myghtern Arthur". An kynsa Kowethas Kernow Goth o selys gans Robert Morton Nance yn Porth Ia yn 1920.

Baner

Baner an Keffrysyans a Gowethasow Kernow Goth a veu grontys gans Kowethas Kernow Goth Sen Kolom yn 1995 dhe solempnya 25es pennbloodh an kowethas na. Gwrys veu gans Kovskrifer Sen Kolom, Kathleen Mary ‘Bill’ Glanville. Res veu yn formel dhe Lewydh an Keffrysyans, Michael Tangye, orth Kuntelles Gwenton an Keffrysyans yn Truru an 4a a vis Meurth, 1995.^[1]

An baner yw gwynn ha du yn chif, furvys yn skoos du bras. Warnodho yma skoos byghanna yn gwynn ha war henna yma palores gans gelvin ha diwarr rudh. Dhe gledh a'n balores yma baner Peran, tas sans stenoryon. Dhe benn an baner, skrifys yn hirbedren owr yw F.O.C.S yn owr rag Federation of Old Cornwall Societies (hanow Sowsnek an Keffrysyans a Gowethasow Kernow Goth). Yma dhe'n baner ynwedh lovan owr.

Hwarvosow an Hav

An Keffrysyans a Gowethasow Kernow Goth a wra solempnya an hengov kernewek koth a dansysow Golowan, herwydh usadow synsys an 23a mis Metheven pub bledhen. An tansysow war bennow bre hag a furv chayn yw synsys yn Bre Skowl, Nanssans, Kastel an Dinas ha Resrudh.

Y'n kynnyav, gool trevas Kria Penn Yar yw solempnys gans an Keffrysyans.

Lyver Termyn

Old Cornwall (Kernow Goth), lyver termyn an Keffrysyans, a dhallathas bos dyllys yn 1925 hag yth yw dyllys diwweyth an vledhen. An kynsa pennskrifer o Robert Morton Nance.

Kowethasow Kernow Goth

Lemmyn yn 2024, yma 41 Kowethas Kernow Goth^[2]. An re na yw:

Bentewyn
Bosvena
Breanek
Egloskuri & Gwynnwalow
Eglosmadern
Eglosvelyan
Eglosveryan
Essa
Goon Garnan
Goonhavar & Ranndir
Hellys
Heyl
Kammbronn
Ke
Kelliwik
Lannbrobus
Lannstefan
Lannust & Penn Din
Lannwedhenek
Lannworon
Logh
Logsulyan
Lostwydhyel
Lyskerrys
Pennryn & Aberfala
Pennsans
Penntorr
Peran yn Treth
Ponswad
Porth
Porthbud-Strasnedh
Porthia
Porthlynn
Reskammel
Resrudh
Sen Gerens & Porthskathow
Sen Kolom
Sen Ostel
Tewyn-Blustri
Tredhinas
Truru

Kowethasow Keskowethek Kernewek

Kowethas Linyeth Kernow
Kowethas Kernewek Bournemouth
Kowethas Kernewek Loundres
Kowethas Kernewek Toronto
Kowethas Omdowl Kernewek
Trest Ertach Kernow

Kowethasow Keffrysys

bagas Ertach Lannust & Lannvowsedh
Bagas Istori Porthmeur West
Kowethas Istori Lannaghevran

Yma'n erthygel ma owth usya an Furv Skrifys Savonek a-barth Kernowek kres.

Porth Kernow – Tre rag folennow ha klassys Wikipedya a-dro dhe Gernow.

↑ The Banners of the Old Cornwall Societies, David Stark, The Federation of Old Cornwall Societies, 2007
↑ Gwiasva an Keffrysyans https://kernowgoth.org/

[1] The Banners of the Old Cornwall Societies, David Stark, The Federation of Old Cornwall Societies, 2007

[2] Gwiasva an Keffrysyans https://kernowgoth.org/

[1]

[2]