Kastell Boterel

Dhyworth Wikipedya, an godhoniador rydh
Kastel Boterel
Sort gwig, fishing port Edit this on Wikidata
Doronieth
Gwlas Kernow
Kesordnogyon 50.684°N 4.693°W Edit this on Wikidata
Kod OS SX098906 Edit this on Wikidata
Kod post PL35 Edit this on Wikidata
Map
Porth naturel Kastell Boterel.

Kastell Boterel (Sowsnek: Boscastle) yw tre vyghan desedhys orth an arvor kledh a Gernow.

Yma dhedhi an unnsel porth naturel a-hys an arvor rag ugens mildir, gwithys gans dew fos-porth a ven drehevys yn 1584 gans Syrr Richard Grenville (kapten an Revenge). Yma kottha rannow an dre a-dro dhe’n porth neb a esporthas legh seuladhydh, hag i a ystynn nansow an avonyow Valensi ha Jordan war-vann. Drehevyansow moy arnowydh (y’n brassa rann annedhow) a grambel an bankennow ha breow ledan a ven a-dro dhe’n porth ha’n nansow.

Yma dhe Gastell Boterel onan a’n nessa ostel yownynketh dhe Gastell Dintagell, yn arbennik ow kerdhes a-hys neb pymp mildir a’n Troe’lergh Arvorek Kernewek, yw rann an hirra Troe’lergh an Sothwest. Nyns eus saw magor hedhyw an kastell a ros y hanow dhe’n dre.

Yn 2004 an dre a wodhevas meur a dhamach drefen lanwes wosa glawas ankoth. Ny verwis nagonan, mes golghys veu 75 a gerri, 5 karavan, 6 drehevyans ha niver a skathow dhe’n porth. Distruis veu 100 a dreven ha negesyow. Seyth tro askel a sawyas a-dro dhe 150 a bobel dhyworth aga thoyow ha kerri. Kost an damach veu £15 milvil.