Jungfrau
 | |
| Sort |
menydh  |
|---|---|
| Doronieth | |
| Rann a'n re a sew |
ranndir gwithys Jungfrau-Aletsch |
| Konteth |
Lauterbrunnen, Fieschertal |
| Gwlas |
Pow Swis |
| A-ugh an mor |
4,158 Meter |
| Kesordnogyon |
46.5369°N 7.9625°E |
| Manylion | |
| Sevyans |
694 Meter |
| Tas topp |
Finsteraarhorn |
| Kadon |
Jungfrau-Fiescherhorn Group |
 | |
| Devnydh |
karrek wodhasek |
Jungfrau ew menedh uhel en Swistir. Styr y hanow ew gwerhes en Almaynek. Onan a'n chif pednow menedh e'n Alpow Bernese ew, desedhys tredh radndir Bern ha radndir Valais, hanter for' tredh Interlaken ha Fiesch. Y uhelder ew 4,158 meter (13,642 tr). War-barth an Eiger ha'n Mönch emava ow furvya fos gowrek a venedhyow ow mires dres an Bernese Oberland, onan a'n gwelyow moyha arbednek en Alpow Swistir. Yskydnys veu an menedh en kensa 3 Est 1811 gen an breder Johann ha Hieronymus Meyer a Aarau ha dew helghyer chamois a Valais, Alois Volken ha Joseph Bortis.
Tednvos fest gerys-da rag tornysi ew radndir an Jungfrau, gen niver a vor'ow cledher, ow komprehendya onan hag a yskyn dhe'n Jungfraujoch (an Jungfraubahn), bolgh tredh an Jungfrau ha Mönch, gen uhelder a 3,454 m (11,332 tr). Complek meur a gowdell ha derevyansow a veu derevys war an Jungfraujoch, henwys "Topp Europa". Obma ema niver a vostiow ha barrys, shoppys, omdhiskedhyansow liesmedia, sodhva bost ha gorsav whithrans gen ostyansow. Ema yskydnell aow mos dhe bedn karrek an Sfinks ha'y virji steroniethel, uhelder 3,571 m (11,716 tr), War-ves ema scol skia ha'n "Palas Rew", cuntel a gravyansow rew.
Mirva
[golegi | pennfenten]
Menedhyow an Eiger, Mönch ha Jungfrau
Mirji an Sfinks
Ema an Jungfraubahn owth yskydna war y vor' dhe Jungfraujoch
An Jungfrau a-dryv dhe'n Sfinks
Rewliv Aletsch dhort an Jungfrau
Menedh an Jungfrau
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.