Jowan Kernow
| Jowan Kernow | |
|---|---|
| Genys |
1127  Lannales |
| Mernans |
1199 |
| Galwesigeth |
theologydh, skrifer, theologydh Katholik |
| Bleujyow |
12 century |
Jowann Kernow (yn Latin Iohannes Cornubiensis po Iohannes de Sancto Germano) o skoler ha dyskador ow triga yn Paris a-dro dhe'n vlydhen 1176.
Ny wodhor nameur yn kever y vywnans, mes y horfennir awos y henwyn y vos genys yn Lannales (St Germans) yn Kernow. Ev a studhyas gans Peder a Lombardi yn Paris, hag a skrifas Eulogium ad Alexandrum Papam III, quod Christus sit aliquis homo, derivas ow naga dyskas Abelard yth esa denses Yesu Krist hepken mantell ow kwiska an Logos.
Y tyllas an Eulogium (gans dydhyans 1176 po a-wosa) gans Edmond Martène yn Thesaurus novus anecdotum (Paris, 1717), ha gans Jean-Paul Migne yn Patrologiae Latinae Cursus Completus (1844-55), vol. CXCIX. Yn-mysk an lyvrow erell skrifys ganso martesen, usi:
- Apologia de Christi Incarnatione (awtour disputys; martesen gans Hyw a Sen Viktor).
- Summa qualiter fiat Sacramentum Altaris per virtutem sanctae crucis et de septem canonibus vel ordinibus Missae. Jean-Paul Migne, Patrologiae Latinae, vol. CLXXVII.
- Merlini prophetia cum expositione. Kollji Magdalen, Rysoghen (bardhonieth, kernewekhes gans Julyan Holmes yn 1998).
- De diuersa consuetudine legendi Sacram Scripturam. Gwel Friedrich Stegmüller, Bibl. 4419; Richard Sharpe, Latin Writers, 229.
 |
Porth Kernow – Tre rag folennow ha klassys Wikipedya a-dro dhe Gernow. |
An erthygel ma yw skrifys yn Kernewek Kemmyn.