John Bolitho
| John Bolitho | |
|---|---|
 | |
| Genys |
Kevardhu 1930  |
| Mernans |
5 Kevardhu 2005 |
| Galwesigeth |
politeger |
| Soodh |
Bardh Meur |
| Eseleth |
Gorsedh Kernow |
John Bolitho (Kevardhu 1930-5es Kevardhu 2005) o tredhegves Bardh Meur Gorsedh Kernow, keffrys ha kaner ha kenedhleger kernewek a vri. Jowan an Cleth yw y hanow bardhek.
Genys veu Bolitho yn Bud yn mis Kevardhu 1930. Ev a omjunyas y'n Morlu Riel hag ev 16 bloodh ha spena deg bledhen yndelna. Wosa henna, Bolitho a gana menowgh der an bellwolok. Yn mysk y berformansow o The Black and White Minstrel Show, an Royal Variety Performance ha'n Billy Cotton Band Show. Ev a berformyas yn gwarivaow ynwedh hag esel o ev a bagas dons Cam Kernewek.
Bolitho o esel Myster Ilow Kernow, Myster Liennek Kernow ha Bagas Selreythek Kernow. An kynsa den o ev dhe gewsel Kernewek yn Senedh Europa yn Strasbourg.
Yth eth ev ha bos bardh an Orsedh yn 1981 yn Nans, Egloshalow wosa dyski an taves Kernewek. Kannas an Bardh Meur o ev a-dhia 1997 bys yn 200, ha Bardh Meur a-dhia 2000 bys yn 2003. Ev a vysytyas meur a verdh yn Ostrali ha bos gwrys tasek Kowethyans Kernow Victoria. Ev a weresas gwruthyl an kynsa gwiasva sodhogel rag an Orsedh.
Esel rag bewnans o ev a Vebyon Kernow. Hwath pella, avel konseler Mebyon Kernow y servya ev yn Konsel Ranndir Kernow Kledh a-barth Bud-Strasnedh hag yn konsel an dre na bys termyn y vernans. Y ferwis ev an 5es a vis Kevardhu 2005 gans kanker an kolodhyon.
| Bleynyes gans: Bryallen |
Bardh Meur 2000–2003 |
Holyes gans: Tewennow |
Devedhyans an derivadow
[golegi | pennfenten]- An Gannas, niver 349 (Mis Genver 2006).
- Geryow er y gof gans Tewennow
Yma'n erthygel ma owth usya an Furv Skrifys Savonek a-barth Kernowek kres.
 |
Porth Kernow – Tre rag folennow ha klassys Wikipedya a-dro dhe Gernow. |