Musek pop ha rock en Grenlond
Istori
[golegi | pennfenten]Enyshes o Grenlond a vusek gwerinek Amerika North hag Europa bys dhe gres an 20ves kansvledhen. Onan a’n bagasow kensa o an Nuuk Orleans Jazz Band.
Hip hop
[golegi | pennfenten]A-dhia 1984, delanwes meur veu hip hop Amerika. Nuuk Posse ew udn bagas hip hop sewen a-dhiwedhes.
Rock
[golegi | pennfenten]E tallathas musek rock ha pop Grenlond en 1973 pan veu dyllys an kuntellyans ‘Sumut’ gen an bagas Sumé war label Demos. A-dro dhe ugens e'n kans a boblans Grenlond a brenas an rekord, kenys e’n yeth Grenlondek ha synji donsyow tabour hengovek e’n musek. E hwrug an kaner, Rasmus Lyberth, kemeres radn e’n dewis rag kawas kan Danek e’n Kesstrif Kan Eurovision en 1979. Kan en Grenlondek o henna. Furvyes veu niver a vagasow rock ha pop e’n 1980ow ha 1990ow. Ensamplow da a vagasow rock veu G-60 hag Ole Kristiansen, ha bagasow ynspirys gen reggae Jamayka ha funk Afrikan-Amerikanek veu Aalut ha Zikaza. Kuntellyans kensa Zikaza a werthas 10,000 a rekordys (adro dhe 50,000 ew poblans Grenlond). Anjei a dhegemeras rekord kroghen reun avel pewas en le rekord owr po platinom.
Synjys ew an gool rock Nipiaa pub bledhen en Aasiaat, ha kanoryon gerys da ew Chilly Friday, branjen-ganer Sylvia Watt-Cloutier ha Karina Moller. Bagasow rock a vri erel ew Kalaat, Siissisoq, Angu Motzfeldt, Pukuut, X-it, Fiassuit, Nanook, Small Time Giants hag UltimaCorsa. Ema musek metol ow tos ha bos moy apert yn Grenlond, pekara Arctic Spirits. Anjei a gan e’n yeth Grenlondek en udnik.
Diwysians ilow
[golegi | pennfenten]An moyha label rekordys en Greunlond ew ULO, a Sisimiut; furvyes o gen Malik Hoegh ha Karsten Sommer. ULO a dhello kuntellyansow gen bagasow rock pekara Sume, kanoryon pop pekara Rasmus Lyberth, ha bagasow hip hop pekara Nuuk Posse keffrys hag musek gwerin.
.JPG)
Kalaallit Nunaata Radioa (Radio Grenlond) ew an fondyans media moyha posek e’n wlas.
Kanow
[golegi | pennfenten]- Nuuk Posse - Oqariartuut
- Sume - Inuit Nunaat
- G60 - Piumassuseqaruit
- Ole Kristiansen - Zoo Inuillu
- Zikaza - Miki
- Karina Moller - Pukuut - Anneruniaq
Kevrednow
[golegi | pennfenten]- http://music.gl/
- https://tedium.co/2016/02/02/greenland-popular-culture/
- https://visitgreenland.com/articles/greenlandic-music/
- https://greenlandicpopularmusic.com/en/wp-content/uploads/sites/2/2013/12/The-Music-in-Greenland-and-Greenland-in-the-music-Andreas-Otte2.pdf
Ma an erthygel ma usya an Furv Skrifys Savonek a-barth Kernowek diwedhes.