Iliad

Dhyworth Wikipedya, an godhoniador rydh
Jump to navigation Jump to search
Achilles ow truedha Patroclus
Kynsa gwers Iliad
Mappa Pow Grek a Homer.

Iliad yw skrif kottha hwath y'n bys yn lien Grek. Bardhonek epyk war anow o. Skrifys o y'n 8ves kansvledhen KOK. Epyk yw; hemma a styr bos bardhonek pur hir. Yma 24 chaptra ynno, skrifys yn hweban.

War-barth gans barhonek Homer aral, Odyssey, unn a'n dhew vardhonek epyk Grek brassa yw.

Tus posek yn Iliad yw: Achilles, Odysseus, Agamemnon, Menelaus, Priam, Hector, Paris ha Helen.

Yma y'n bardhonek mythys ha henhwedhlow Grek a-varr. Possybyl yw ev a veu selys yn omsettyans war sita Ker Droya yn Oos Brons. Y leverir Iliad o skrifys gans Homer. Byttegyns, nyns yw skoloryon sur yn gwiryonedh mars o an bardhonek skrifys gans unn den hepken.

An hwedhel a hwyris dres an Bresel Ger Droya, a-dro dhe 1200 KOK. Ev a dheriv dhyn yn kever an trobel yntra an kasor Achilles ha Myghtern Agamemnon. Ev a lever an hwedhel a sorr Achilles dhe vernans ha ynkleudhyans Hector ha kerghynnans Ker Droya.

Hwedhel[chanjya | pennfenten]

Y tallethir an hwedhel gans an Duw Apolyn neb a dhanvon pla dhe'n Wrekys awos i dhe gachya myrgh a unn a'y bronteryon a Ger Droya. Agamemnon a veu ynnys dhe ri tre an vyrgh.

Agamemnon a gemer an vowes gachys Briseis a Ger Droya a'y ferghennek Achilles, may hallo kavos myrgh y honan. Serrys yw Achilles hag ev a skon batalyas y'n vresel. Pan yw ledhys Patroclus, sos po karer Achilles, gans Hector, Achilles a dhalleth batalyas arta. Ev a ladh Hector yn omladh dewdhen. Wosa henna, tas Hector, Priam, a dheu yn-dann gel dhe Achilles dhe ri tre korf y vab drudh may hallo kavos ynkleudhyans gwiw. Achilles a as hemma. An bardhonek a worfen gans ynkleudhyans Hector.