Hyns-horn Bosvenegh ha Wenford

Hyns-horn ertach yn Bosvenegh, Kernow yw an Hyns-horn Bosvenegh ha Reswynn (Sowsnek: Bodmin and Wenford Railway). An hyns-horn a gonsyst a dhew skorren tamm moy ages 3 mildir (4.8 km) hir a bon dhyworth penn-worsav an linen Bosvena Ollgemmyn; onan dhe Dhibarthva Boskarn hag onan dhe Worsav Fordh Bosvena. An hyns-horn a gevrenn gans an Penn-hyns-horn Kernow dhe Worsav Fordh Bosvena.

Istori

Hyns-horn an West Bras a ygeris y skorren dhyworth Fordh Bosvena dhe Vosvena Ollgemmyn (Bodmin General) war 27ves mis Me 1887, ha hyns-horn dibarthva dhe junya gans an Hyns-horn Bosvenegh ha Ponsrys veu ygerys war 3a mis Gwynngala 1888. An hyns-horn veu deges war 3a mis Hedra 1983 wosa an fresdraffik dhyworth Reswynn dhe dhiwedha.

An Kowethas Gwitha Hyns-horn Bosvena (Bodmin Railway Preservation Society) veu formyes yn 1984 ha'ga kensa dydh yger dhe Vosvena Ollgemmyn o dew vledhen wosa henna. Yn 1987 an Kowethas Lokomotyv Ethen Kernowek (Cornish steam Locomotive Society) a wayas aga daffar dhyworth Karnrosveur dhe Vosvena.

Gorhemmyn Hyns-horn Skav veu grontyes yn 1989 ha trennow trethysi a dhalathas yntra Bosvena Ollgemmyn ha Fordh Bosvena y'n nessa bledhen. An skorren koth a ygeris arta yn 1996 gans gorsav nowyth dhe Dhibarthva Boskarn.

Hyns

An hyns yntra Bosvena Ollgemmyn ha Fordh Bosvena yw 3.5 mildir (5.6 km) hag yntra Bosvena Ollgemmyn ha Dibarthva Boskarn yw 3 mildir (4.8 km).

An hyns a dreus an Dowr Fowydh war bonsfordh dhe Fordh Bosvena kyn ev dhe yskynna war-tu Bosvena Ollgemmyn. Yma unn savla yntra Fordh Bosvena ha Bosvena Ollgemmyn dhe Worta Kastellogos. Ev veu byldyas yn 1993 rag Park Bargen Tir eus deges lemmyn; y'n jydh hedhyw Gorta Kastellogos a wra offra le dalleth rag kerdhes an rosweyth a gerdhvaow dhe Goos Kardhinan. An viaj a gemer 25 mynysen yntra'n dhew worsavow.

Wosa an viaj dhe Barkfordh Bosvenegh an tren a dhehwel dhe Vosvena Ollgemmyn kyn ev dhe dhalleth an viaj yn-nans an nessa skorren dhe Dhibarthva Boskarn. Ogas dhe'n Hyns-diwrosa Kammel yw gorsav Dibarthva Boskarn. Yma aspiryansow dhe'n hyns-horn dhe ystyn ryb tenewen an hyns-diwrosa dhe Bonsrys y'n termyn a dheu.

Lokomotyvyow

Jynnow Ethen Hyns-Meur.

4247 - HWB Klas 4200 2-8-0T jynn fres poos. Byldyas yn 1916, hi a dennys trennow a jinabri dhyworth Lanndreth dhe Fowydh.

4612 - HWB Klas 5700 0-6-0TP. Onan a'n jynnow tank panyer a oberas war an skorr pri China yn hag ogas dhe Lanndreth.
5552 - HWB Klas 4547 2-6-2T. Byldyes yn 1928, klas an jynn-ma o kemmyn war lower a'n skorr Kernowek.
6463 - HWB Klas 6400 0-6-0TP. Tank panyer aral, fityes gans daffar autodren o an klas-ma rag trennow ynter Aberplymm hag Essa. Byldyes yn Ebrel 1937, 6435 a oberas yn Kembra rag lower a vledhynnyow.
30587 - HLSW Klas 0298 2-4-0TF "Beattie Well Tank" (tank fenten). Byldyes yn 1874, onan a'n lokomotyvyow koth o usys war an skorren moon dhyworth Dibarthva Boskarn ha Pons Reswynn.
30120 - HLSW Klas T9 4-4-0 "Greyhound" (Ki Loos). Byldyes yn 1899, ev a dennas trennow ekpress dhyworth Karesk dhe Bonsrys ha Lannwedhenek.

Jynnow Disel Hyns-Meur.

D3452 – Kledhrennow Bretennek Klas 10 0-6-0 disel-tredan (DT) jynn shuntya.
08444 – Kledhrennow Bretennek Klas 08 0-6-0DT jynn shuntya. An kensa disel dhe dhos dhe'n Hyns-horn Bosvena ha Reswynn yn 1987.
33110 – Kledhrennow Bretennek Klas 33 Eghen 3 Bo-Bo.
37142 – Kledhrennow Bretennek Klas 37 Eghen 3 Co-Co yn glas KB.
47306 – Kledhrennow Bretennek Klas 47 Co–Co henwys "The Sapper".
50042 – Kledhrennow Bretennek Klas 50 Co–Co a henwys "Triumph" rag an gorhelvell y'n glas KB.

Unsesow Liesek Disel.

KB Klas 108 unses 50980+52054 ha karr difresek 51947.

Jynnow Diwysyansek Koth.

Alfred – Onan a'n dhew Bagnall Porth a Borth 0-4-0DD (diberdank).
Brian - 0-4-0 Ruston Hornsby shuntyor yw Brian.
Judy – An kottha Bagnall Porth a Borth 0-4-0DD.
19 – Bagnall 0-4-0DD.
2766 – Hunslet Austerity 0-6-0DD.
3121 – Bagnall 0-4-0AD (Andan).

Kevrennow a-ves

Gwiasva Sodhogel (Sowsnek)