Huda Kattan
| Huda Kattan | |
|---|---|
 | |
| Genys |
2 Hedra 1983  Cita Oklahoma |
| Trigva |
Dubai |
| Kenedhlogeth |
Statys Unys |
| Alma mater |
|
| Galwesigeth |
artydh mingreft, YouTuber, omgemeryer |
| Ughelder |
1.7 Meter |
| Pewasow |
BBC 100 Women |
| Gwiasva |
https://hudabeauty.com/ |
Huda Kattan (genys 2 Hedra, 1983) ew artyst tremliw, scrolyer tecter hag aventurer americanek. Hei a fondyas cowethyans tremliw 'Huda Beauty'.
Bownans a-varr
[golegi | pennfenten]Huda a veu genys 2 Hedra, 1983, en Cita Oklahoma, Oklahoma, onan a bajar flogh. E teu hy herens a Irak en kensa. Woja dhe'n teylu remova dhe Cookeville, Tennessi, hag ena dhe Dartmouth, Massachusetts. Huda eth dhe Universita Michigan–Dearborn lebma hwrug gradhya en arhansereth.
Resegva
[golegi | pennfenten]En 2006, Huda a removas dhe Dubai war-barth ha'y thas drefen ev dhe receva ober avel dyscador ena. Nebes bledhydnyow woja hedna, Huda a removas dhe Los Angeles, lebma studhyas tremliw. Emesk hy fernoryon o benenes meur aga hanow pecara Eva Longoria ha Nicole Richie. En Ebrel 2010, woja cussulyans gen onan a'y wherydh, Huda a dhallathas scrol henwys 'Huda Beauty' gensy ma halja postya dyscansow tremliw ha cussul tecter warnodho.
En 2013, Huda a fondyas cowethyans tremliw henwys 'Huda Beauty' maga ta. Hy ascorras kensa o kevres a vlew lagas fug gwerthys dre'n shoppys 'Sephora'. Sowena a sewyas woja dhe'n blew lagas bos gwiskys gen Kim Kardashian.
Cowethyans Huda, selys en Dubai, a dhallathas profya ascorasow tecter erel, ow comprehendya liwvordow liw lagas, minliwyow linyel, pyncelyow linedna min, liwvordow golowboyntya, tremliw fondya ha cudha ha liw lagas linyel.
Huda dheuth meur-gerys war Instagram, gen moy ages 47 milvil a holyoryon erbydn 2020. Hei ew renkys #1 war an "Rol Rych a Dhelanwesoryon Instagram", ow tendyl $18,000 rag pub post. Descrifys veu Huda avel "Kim Kardashian West a'n erbysieth delanwesor tecter". Dewisys veu avel onan a'n "25 person moyha awedhyansek der an Kesrosweyth" gen an paper-termyn 'Time' en 2017.
En 2018, Huda a dhallathas kemeres radn en hy hevres gwirvos gwreydhek Facebook Watch henwys Huda Boss, war-barth hy theylu.
En 2021, Huda a gemeras radn en caskergh rag provia boos ha rei milvil con der hy howethyans tremliw Huda Beauty.
Cherita ha protestya
[golegi | pennfenten]Der hy brand, Huda Beauty, ema dhe Kattan kemerys radn en niver a gaskerghow. En mis Efan 2020, Kattan a leveris dell wre Huda Beauty argevri $500,000 dollar dhe arhas adhyscansel ha ha defens laghel NAACP.
En 2021, Huda Kattan ha Huda Beauty a dhallathas petisyon rag ynia brandow tecter dhe leverel pan vo skeusen po gwydhyow golegys po amendys, rag gweres chanjya savonow tecter media socyal "gwenonek". Ewedh hei a skoodhyas an gemeneth asi-americanek, Médecins Sans Frontières (Medhogyon heb Oryon) ha 100 Million Meals. Kattan a usyas hy media socyal dhe leverel a-dro dhe dhianethyansow yniys en Palestayn. En Me 2021, Kattan ha'y howethyans, Huda Beauty a ros $100,000 dollar rag scoodhya Help India Breathe, aluseneth rag gweres COVID-19 lonchys gen managh kens Jay Shetty ha'y wrek, Radhika Devlukia-Shetty.
Bownans personel
[golegi | pennfenten]Ha hei en scol uhel, Huda a vetyas hy gour, Christopher Goncalo, a dhevedhyans americanek-columbianek. An copel a vovyas dhe Dubai en 2006, demedhi en mis Efan 2009. Aga flogh kensa, Nour Gisele, a dheuth en 2011. Onan a wherydh Huda ew hy hescoweth negys, Mona, hag onan aral, Alya, a wra dyghtya hy media socyal.
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.