Hippocrates

Hippocrates
Genys	c. 460 BC  Kos
Mernans	c. 370 BC  Larissa
Galwesigeth	medhek, filosofer
Fleghes	Thessalus

Hippocrates (c. 460 – c. 370 KOK) o medhek grek gelwys "tas medhegieth". Ev o an kensa den dhe dhyski bos tus ow kodha klav rag skilys skiensek. Kens, pobel a gryji bos kleves kawsys gen duwow serrys.

Meur a skrifow Hippocrates ew posek dhe vedhogyon hedhyw. Rag ensampel, privetter klevyon, ow styrya dell alja medhogyon omgussulya klav saw gen an klav y honan. Onan aral a'y dybyansow ew na dal medhek nevra a'y wodhvos hebronk klav dh'y vernans. Radn ew tybyansow pekar ha'n re ma a ethek medhegel.

Henwys ew an "Ti Hippokratek" rag y enora. Sett a rewlys ew an ti medhogyon dhe assentya rag obaya. An rewlys a sew ew udn versyon a Di Hippokratek arnowydh usys en Skol Medhegieth, Universita Carolina North.

An Ti Hippkratek

My a di en sad gen oll a synjav dhe vos sanssa

• e fydhav lel dhe alwesigeth medhegieth hag ewnhynsek dh'y eseli
• dell vynnav omdhoon ha gul ow hreft gen virtu hag enor
• mar ylliv a-ji neb chei, y tal bos rag dader an glevyon ha'n yagh gen oll ow gallos hag omsynjav a-denewen rag drokter ha legras ha temptya erel dhe dhrogedh
• dell wrav usya ow skians rag les ow klevyon, difres godhevyans, lestans kleves hag avonsyans yeghes, ha na rov drogg na gul neppeth rag porpos anvas
• dell wrav perderi a-dro dhe les an glevyon ort aga dyghtya posekka ages aga gallos dhe astiveri ow servisyow
• dell synjav kevrinek en tien penagel dra e hwelav ha klewes ort dyghtya po en-mes dyghtyans ow tochya bownansow tus na dal bos kewsys
• dell omrov ow honan rag hes bownans dhe dhyski a-dro dhe art ha skiens medhegieth
• an taklow dell ambosav, hag en kemusurel dhe'm lelder dhe'n ti ma, re bo lowena ha bri dhybm, bes mar tylliv gwandra ha mos erbydn an ti ma, re bo an kontrari dhybm

Ma an erthygel ma usya an Furv Skrifys Savonek a-barth Kernowek diwedhes.