Gwirvos

Steren pellwolok gwirvos, Kim Kardashian

Gwirvos a styr neppyth a eksist. Hwarvedhyans a hwarva yn hwir, po tra a eksist yn tevri a'n jeves "gwirvos", dell yw leverys. Neppyth ogas dhe wirvos yw "gwirvosek".

Gwirvos yw studh taklow dell yns i, yn le dell yth omdhiskwedhons po y fons dismygys. Gwirvos a gomprehend puptra yw ha re beu, gwelys po na welys ha konvedhys. Styr moy efan vyth yw puptra re eksistas, a eksist po a vynn eksistya.

Gorthwedh gwirvos yn fenowgh yw pyth yw dismygys, kammgrysys, y'n brys, yn hunrosow, pyth yw fals, pyth yw fug po pyth yw anfateryel.

Yn dhespit dhe henna, pyth yw anfateryel a wari rann yn bewnans pubdedhyek ha hwithrans akademek. Rag ensampel, acheson, virtu, bewnans hag ewnder yw tybyansow anvateryel, kales dhe styrya, mes nyns yns i kammgrysyansow pur.

Towlennow pellwolok nag yw skrifys yw gelwys pellwolok gwirvos.

Tybyansow a-dro dhe wirvos

• Filosofieth a vir orth natur gwirvos y honan, ha'n perthynyans ynter an brys keffrys ha yeth, gonisogeth ha gwirvos.
• Godhonieth: an tybyans dell yw an bys deskrifys gans godhonieth yw an bys devri. Tybyansow godhonydhyon a grog war dhustuni, provow hag arbrovow, konvedhys gans arbenigoryon.

Onan a'n mil erthygel posekka war Wikipedya yw an erthygel ma.