Gwayana

Dhyworth Wikipedya, an godhoniador rydh
Co-operative Republic of Guyana
Baner Gwayana
(Baner Gwayana) (Kota arvow Gwayana)
Lavar kenedhlek: One People, One Nation, One Destiny
Desedhans Gwayana
Yeth sodhogel Sowsnek
Penncita Georgetown
Brassa cita Georgetown
Lewydh David Granger
Pennmenyster Moses Nagamootoo
Braster 214,970 km²
Poblans (2002)
 Dosedh
697,181 a drigoryon
3.2 triger/km²
Anserhogeth dhyworth an Ruwvaneth Unys
26ves a vis Me, 1966
Mona kemmyn Dollar Gwayanek
Kan genedhlek Dear Land of Guyana, of Rivers and Plains
Koden kesrosweyth .gy
Koden pellgowser +592

Gwayana (yn Sowsnek ha Spaynek, Guyana) yw gwlas yn Amerika Dhehow. Yma'n brassa rann a'n poblans ow triga ryb an Keynvor Iwerydh, ytho yma kevrennow krev yntra Gwayana ha tiryow an Mor Karib. Bys yn 1966 yth o hi trevesigeth predennek, henwys British Guiana. Yn termyn an drevesigeth, y teuth kethow dhyworth Afrika ha gwesyon dhyworth Eynda rag ober yn bargenyow-tir sugra. Henedh an dhiw genedhel ma a wra hwath an moyha bagasow a boblans an repoblek. Y'n eur ma, Gwayana a wra rann a Caricom (Kemmynieth ha Marhas Gemmyn an Mor Karib); Georgetown yw penncita an kuntelles na.

Gwayana a veu anserhek a'n Ruwvaneth Unys yn 1966. Yth esa an Statys Unys ha'n RU ow hwilas promovya an People's National Congress, ledyes gans Forbes Burnham ha keskolon gans an West, rag gwannhe an People's Progressive Party ledyes gans Cheddi Jagan ha kevrennys dhe'n URSS. Dyffransow politek a'n par ma yw hwerow. Dre vras yma pobel a dhevedhyans afrikan ow sodhya an PNC, ha pobel a dhevedhyans eyndek an PPP. Burnham ha'y venyster, Desmond Hoyte, a wovernyas an wlas a-dhia dermyn anserhogeth bys 1992. Ena Cheddi Jagan a dheuth Pennmenyster wosa hwegh bledhen warn ugens y'n gorthenep. Yma'n PPP ow kovernya a-dhia an termyn na yn-dann dri Fennmenyster: Cheddi Jagan, y wedhwes Janet Jagan, ha Bharrat Jagdeo.

Gwayana re jallenjyas hy oryon gans Venezuela ha Surinam dres termyn hir. Yn 2007, unn juj a erviras an disputyans gans Surinam.

Yma'n erthygel ma owth usya an Furv Skrifys Savonek a-barth Kernowek kres.